![](https://www.filmylooks.com/wp-content/uploads/2021/09/x60dd4246dedbf-1024x768.jpg.pagespeed.ic.GstwCRLm1I.jpg)
కరోనా వల్ల టాలీవుడ్ ఇండస్ట్రీ చాలా వరకు నష్టపోయింది. ఇక చాలా రోజుల తర్వాత థియేటర్లు ఓపెన్ అయినా కూడా పెద్ద సినిమాలు ఏవీ కూడా రిలీజ్ కావట్లేదు. అయితే థియేటర్లు ఓపెన్ అయి చాలా రోజులే అవుతున్నా జనాలు మాత్రం ఈ సెప్టెంబర్ నెలలోనే ఎక్కువగా థియేటర్లకు వస్తున్నారు. ఇక జనాలు కూడా పెద్ద ఎత్తున థియేటర్లకు ధైర్యం చేసి వస్తుండటంతో పెద్ద మూవీలను రిలీజ్ చేసేందుకు మూవీ మేకర్స్ సిద్ధం అంటున్నారు. పైగా రీసెంట్ గా వచ్చిన గోపీచంద్ మూవీ సిటీమార్ బ్లాక్ బస్టర్ హిట్ ను సొంతం చేసుకుంది. హౌస్ ఫుల్ కలెక్షన్స్ తో దూసుకుపోతోంది.
కాబట్టి పెద్ద సినిమాలను రిలీజ్ చేయొచ్చని అంతా భావిస్తున్నారు. ఇక దసరా పండుగ వచ్చే నెలలో ఉన్న తరుణలో పెద్ద ఎత్తున పెద్ద హీరోల మూవీలు రిలీజ్ చేయనున్నారు. ఆ నెలలో సెలవులు కూడా బాగానే ఉంటాయి కాబట్టి పండుగ సీజన్ను క్యాచ్ చేసుకునేందుకు రెడీ అవుతున్నారు. బాలకృష్ణ నటిస్తున్న అఖండ మూవీని ఇప్పటికే దసరాకు రిలీజ్ చేస్తారని అంటున్నారు. ఇక దీనిపై అతి త్వరలోనే అధికారిక ప్రకటన రానున్నట్టు తెలుస్తోంది. దాంతో పాటు అక్కినేని హీరో అఖిల్ నటించిన మోస్ట్ ఎలిజబుల్ బ్యాచిలర్ మూవీ కూడా దసరాకే రిలీజ్ చేయాలని చూస్తున్నారు.
వీరితో పాటు విక్టరీ వెంకటేశ్ నటించిన దృశ్యం-2 మూవీని కూడా దసరాకు విడుదల చేస్తామని చెబుతున్నారు. కాగా దృశ్యం-2ను కూడా నారప్ప మూవీని ఓటీటీ లో విడుదల చేసినట్టు అక్కడే చేయాలని అనుకున్నారు. కానీ తాజా పరిస్థితుల నేపథ్యంలో థియేటర్లలోనే విడుదల చేయాలని లేదంటే విమర్శలు వచ్చే అవకాశం ఉందని మేకర్స్ వెనకడుగు వేశారట. కాకపోతే మిగతా సినిమాల రిలీజ్ డేట్లు ఖరారు అయితే దృశ్యం 2 రిలీజ్ డేట్ను అనౌన్స్ చేయాలని చూస్తున్నారంట. ఇక ఈ మూడు సినిమాలతో పాటు మరికొన్ని చిన్న సినిమాలు కూడా విడుదలకు రెడీ అవుతున్నాయి.
Leave a comment