మూడేళ్ళ ‘ఈ నగరానికి ఏమైంది’ – ఎంత రాబట్టింది?!

సినిమాలు తీద్దామనుకునే నలుగురు చిన్నప్పటి స్నేహితులు వాళ్ళ కాలేజ్ డేస్ ని ఎలా గడిపారన్నదే ఈ సినిమా కథాంశం. తరుణ్ భాస్కర్ దర్శకత్వం వహించిన ఈ సినిమా మంచి హిట్ గా నిలిచింది. విశ్వక్ సేన్, సుశాంత్ రెడ్డి, అభినవ్ గోమతం, వెంకటేశ్ ఫ్రెండ్స్ గా నటించిన ఈ సినిమా ప్రేక్షకులని బాగా నవ్వించింది. అనిషా, సిమ్రాన్ చౌదరి హీరోయిన్స్ గా చేసిన ఈ సినిమాకి నేటితో మూడేళ్లు నిండాయి. 29 జూన్ 2018 లో విడుదలైంది.

సురేష్ ప్రొడక్షన్స్ నిర్మించిన ఈ సినిమా బాక్సాఫీస్ వద్ద సక్సెస్ అయింది. 2 కోట్ల బడ్జెట్ తో తీస్తే.. సినిమాకి పది కోట్ల దాకా వచ్చాయి. అమెరికాలో కూడా మంచి వసూళ్లు రాబట్టింది. అక్కడ మొదటిరోజే 81,127 డాలర్లు రాబట్టగా, మొత్తంగా 1,79,263 డాలర్లు సంపాదించి మంచి లాభాలతో ముగిసింది.