అజయ్ భూపతి డైరెక్టర్ గా తెరకెక్కించిన చిత్రం RX100. ఈ మూవీ కూడా అర్జున్ రెడ్డి లాంటి హైప్ నే క్రియేట్ చేసుకుంది. ఇందులో హీరోయిన్ గా చేసిన పాయల్ రాజ్ పుత్ తో కార్తికేయ చేసిన రొమాన్స్ చాలా బోల్డ్ అనిపించుకుంది. ఒక విలేజ్ లో మోసపోయిన ఒక మగాడి కథని సినిమాగా తీశారు.
ఈ కథాంశం కూడా కాస్త వివాదాస్పదంగానే మారింది. తనకి అట్రాక్ట్ అయిన ఒక అబ్బాయికి ప్రేమ పేరుతో దగ్గరై అతన్ని తన శారీరక అవసరాలకి వాడుకుని చివరికి మోసం చేయడం వల్ల అతను ఎలా గడిపేసి చివరికి చనిపోయాడనేది కథాంశం. 2018 జూలై 12 న విడుదలైన ఈ సినిమాకి నేటితో మూడేళ్లు గడిచాయి.
ఈ మూవీ ఒక హిట్. అర్జున్ రెడ్డి స్థాయిలో భారీ హిట్ కాకపోయినా.. పర్వాలేదనిపించింది. వివాదాస్పద స్టోరీ మూలంగా చాలామందే థియేటర్లకి ఆకర్షితం అయ్యారు. 2 కోట్ల స్వల్ప బడ్జెట్ తో తీసిన ఈ మూవీ.. 25 కోట్లు వసూలు చేసింది. యూత్ ని ఎంతగానో ఆకర్షించడం వల్ల వాళ్ళంతా మూవీని సపోర్ట్ చేయగలిగారు. అందుకే ఈ మూవీ హిట్ అని చెప్తారు.
Leave a comment