రాజమౌళి ‘ఈగ’ కి తొమ్మిదేళ్లు! ఎంత కలెక్ట్ చేసిందో చూద్దాం..

రాజమౌళి ఎంతో వినూత్నంగా ప్రయత్నించి తీసిన సినిమా ఈగ. ఈ మూవీ అప్పట్లో ఒక పెద్ద సంచలనం అయింది. ఎందుకంటే.. ఒక హీరో చనిపోయి.. మళ్ళీ ఈగలా పుట్టి తన ప్రేమని ఎలా గెలిపించుకున్నాడు అనేది ఎంతో ఆసక్తికరమైన కథాంశం. అనుకున్నట్లే ఆ సినిమా పెద్ద హిట్ గా నిలిచింది. చాలా మంది ప్రశంసలని కూడా అందుకుంది. తెలుగులో మొదటిసారి ఇంత కొత్తగా వచ్చిన ఈ మూవీ రిలీజ్ అయి నేటికి తొమ్మిది సంవత్సరాలు గడిచాయి. జూలై 6, 2012.

30 కోట్లకి పైగానే బడ్జెట్ తో రూపొందించిన ఈ మూవీ క్లోజింగ్ కలెక్షన్స్ ఏకంగా 120 కోట్ల పైనే. బయ్యర్స్ కి ఏ మాత్రం నష్టం లేకుండా.. విపరీతమైన లాభాలని మిగిల్చింది ఈ సినిమా. రాజమౌళి తీసిన కొద్ది సినిమాల్లో ఒకటైన ఈ మూవీ పెద్ద సూపర్ హిట్ గా నిలిచింది అని చెప్పడానికి ఈ గణాంకాలే ప్రత్యక్ష సాక్ష్యం.