Thalaivar 169: సౌత్ ఇండియన్ సూపర్ స్టార్ రజినీ కాంత్ నటించబోయే కొత్త సినిమా అనౌన్స్ చేశారు మేకర్స్. నయతారతో ‘వసంతకోకిల’, శివ కార్తికేయన్‌తో ‘డాక్టర్’, విజయ్‌తో ‘బీస్ట్’ సినిమాలను తెరకెక్కించిన నెల్సన్ దిలీప్ కుమార్ ఈ చిత్రానికి దర్శకత్వం వహించనున్నారు.
రజినీ నటించే 169వ సినిమా ఇది. ప్రముఖ నిర్మాణ సంస్థ సన్ పిక్చర్స్ భారీ బడ్జెట్‌తో నిర్మించబోయే ఈ ఫిలింకి ‘జైలర్’ అనే పేరు ఫిక్స్ చేస్తూ.. టైటిల్ పోస్టర్ రిలీజ్ చేశారు. రక్తపు మరకలతో వేలాడుతున్న కత్తిని చూపించారు. సోషల్ మీడియాలో Thalaivar 169 హ్యాష్ ట్యాగ్ ట్రెండ్ అవుతోంది.
యంగ్ మ్యూజిక్ సెన్సేషన్ అనిరుధ్ సంగీతమందిచబోతున్నాడు. రజినీ గత చిత్రం ‘అన్నాత్తే’ తెలుగులో ‘పెద్దన్న’ పేరుతో విడుదలై డివైడ్ టాక్ తెచ్చుకోగా.. నెల్సన్ రీసెంట్ మూవీ ‘బీస్ట్’ డిజాస్టర్ అయ్యింది. దీంతో రజినీ 169 పై ఆసక్తి నెలకొంది. త్వరలో ఆర్టిస్టులు, టెక్నీషియన్ల వివరాలు వెల్లడించనున్నారు.
Leave a comment