Raghava Lawrence: పాపులర్ కొరియోగ్రాఫర్, యాక్టర్ కమ్ డైరెక్టర్ రాఘవ లారెన్స్ కొంత గ్యాప్ తర్వాత వరుసగా సినిమాలు లైన్‌లో పెడుతున్నారు. ప్రొఫెషన్‌తో పాటు విరివిగా సేవా కార్యక్రమాలు చేస్తూ ఎంతోమంది మన్ననలు పొందుతున్న లారెన్స్ ఇప్పుడు తన తమ్ముడు ఎల్విన్‌ని హీరోగా పరిచయం చెయ్యబోతున్నారు.
ఈమధ్యే లారెన్స్ ప్రధానపాత్రలో పి.వాసు దర్శకత్వంలో ‘చంద్రముఖి 2’ అనౌన్స్ చేశారు. మొన్న ఎస్. కదిరీశన్ డైరెక్షన్లో చేస్తున్న యాక్షన్ ఎంటర్‌టైనర్ ‘రుద్రన్’ ఫస్ట్ లుక్ పోస్టర్ వదిలారు. ఈ సినిమా తెలుగులో ‘రుద్రుడు’ పేరుతో రాబోతుంది. ఇప్పుడు తమ్ముడితో కలిసి, సీనియర్ స్టార్ డైరెక్టర్ కె.ఎస్. రవి కుమార్‌తో మూవీ చేస్తున్నారు లారెన్స్.
శనివారం చెన్నైలో పూజా కార్యక్రమాలతో సినిమాను లాంఛనంగా ప్రారంభించారు. అన్నయ్యలానే ఎల్విన్ కూడా డ్యాన్సర్‌గా గుర్తింపు తెచ్చుకున్నాడు. ట్రిండెంట్ ఆర్ట్స్ బ్యానర్ ప్రెస్టీజియస్‌గా నిర్మిస్తున్న ఈ ప్రాజెక్ట్‌లో ఎగ్జైటింగ్ కాస్ట్ అండ్ క్రూ ఉండబోతున్నారని.. పూర్తి వివరాలు త్వరలో తెలియజేస్తామని మేకర్స్ తెలిపారు.
Leave a comment