Diesel Movie: మారుతున్న కాలంతో పాటు ప్రేక్షకుల అభిరుచి కూడా మారుతూ ఉంటుంది. అందుకు తగ్గట్టుగానే ఆడియన్స్‌కి ఎప్పటికప్పుడు డిఫరెంట్ జోనర్, కొత్త కథలు చెప్పడానికి దర్శక నిర్మాతలు ప్రయత్నిస్తూనే ఉంటారు.
ఒక భాషలో హిట్ అయిన సినిమాని మరో భాషలో రీమేక్ చెయ్యడం అనేది నెమ్మదిగా తగ్గి, కథ మీద నమ్మకంతో ఒకేసారి రెండు భాషల్లోనూ షూటింగ్ చెయ్యడానికి, రిలీజ్ చెయ్యడానికి ఆసక్తి చూపిస్తున్నారు.
ఇప్పుడు అలాంటి ఓ లవ్ కమ్ థ్రిల్లర్ మూవీ రాబోతుంది. ‘డీజిల్’ అనే టైటిల్ కన్ఫమ్ చేస్తూ.. తెలుగు, తమిళ్ భాషల్లో ఫస్ట్ లుక్ పోస్టర్స్ వదిలారు. హరీష్ కళ్యాణ్, అతుల్య రవి హీరో హీరోయిన్లు.. పెట్రోల్ బంకు నేపథ్యంలో సాగే ప్రేమకథ, అందులో ఊహించని ట్విస్ట్ కూడా ఉంటుందని పోస్టర్స్ చూస్తే అర్థమవుతుంది.
హీరో హరీష్ తెలుగు ప్రేక్షకులకు పరిచయమే. తమిళ్‌లో నాలుగు సినిమాలు చేశాక.. ఉదయ్ కిరణ్ ‘జై శ్రీరామ్’ తో టాలీవుడ్ ఎంట్రీ ఇచ్చాడు. ‘కాదలి’ అనే సినిమాలో ఒక హీరోగా చేశాడు. నాని ‘జెర్సీ’ లో నాని కొడుకు క్యారెక్టర్ (పెద్దయ్యాక) చేసి మెప్పించాడు. షణ్ముగం ముత్తుస్వామి డైరెక్ట్ చేసిన ‘డీజిల్’ తమిళ్‌తో పాటు తెలుగులోనూ రిలీజ్ కానుంది.
Leave a comment