R Narayana Murthy: టాలీవుడ్ సినీ ఇండస్ట్రీలో ఆర్. నారాయణ మూర్తి అంటే తెలియని వారు ఉండరు. ముఖ్యంగా సమాజంలో చైతన్యం రగిలించే విప్లవ సినిమాల్లో నటించే పవర్ ఫుల్ నటుడు ఆర్. నారాయణమూర్తి. ఎర్రసైన్యం, చీమలదండు, వీరతెలంగాణ, పోరు తెలంగాణ లాంటి సినిమాలను ఎంతో చక్కగా ప్రజలకు చేర్చారు. తన నటనతో ఎంతోమంది అభిమానం సంపాదించుకున్నారు. నిజానికి ఆర్. నారాయణ మూర్తి ఆలోచనలు కూడా చాలా భిన్నంగా ఉంటాయి. నిర్మాతగా ఎంతో ఎదిగినా.. తనకంటూ ఆస్తిని ఏర్పాటు చేసుకోలేదు. ప్రజాజీవితం కోసం ఎన్నో కార్యక్రమాలు చేపట్టారు. ఆయన నటించిన చాలా సినిమాల్లో పోరాటాలు, విప్లవాల సినిమాలు ఎక్కువ ఉండేవి. చివరికీ పెళ్లి కూడా చేసుకోలేదు.
రీసెంట్ గా ఆర్. నారాయణమూర్తి గురించి డైరెక్టర్ జయకుమార్ మాట్లాడుతూ.. దాసరి దంపతులు ఆర్. నారాయణమూర్తికి బంధువు అవుతారని అన్నారు. అందుకే దాసరి, ఆర్. నారాయణమూర్తి క్లోజ్ గా ఉండేవారని అన్నారు. దాసరి గారి దగ్గర పనిచేసే సాంబశివరావు నారాయణమూర్తిని రెచ్చగొట్టారని డైరెక్టర్ జయకుమార్ అన్నారు. ఏ విషయంలో ఇలా రెచ్చగొట్టడం జరిగిందనే విషయం అడగ్గా.. జయకుమార్ మాట్లాడుతూ.. ఒక రోజు సాయంత్రం సమయంలో దాసరి నారాయణ దగ్గరకు ఆర్. నారాయణమూర్తి వెళ్లారు. ఆ సమయంలో అతని దగ్గర పనిచేసే వాళ్లతో పాటు సాంబశివరావు కూడా డ్రింక్ చేస్తున్నారు.
ఆ టైమ్ లో నారాయణమూర్తిని చూసి ఆల్కహాల్ తాగాలని అన్నారు. కానీ తనకు మందు అలవాటు లేదని.. బలవంతం చేయొద్దని చాలా సున్నితంగా వద్దని చెప్పారు. దాంతో సాంబశివరావు అసలు నువ్వు మగాడివేనా.. మందు తాగలేవా అని రెచ్చగొట్టారు. ఆ మాట విన్న ఆర్. నారాయణమూర్తికి బాగా కోపం వచ్చి.. వెంటనే పక్కనే ఉన్న బాటిల్ తీసుకుని ఆపకుండా సగం బాటిల్ వరకు రా ఆల్కహాల్ తీసుకున్నారు. ఆ తర్వాత ఇంటికి వచ్చి అలాగే కింద పడిపోయారని డైరెక్టర్ జయకుమార్ చెప్పుకొచ్చారు.
