KGF 2: యావత్ భారతదేశం చూపు కన్నడ సినీ పరిశ్రమ వైపు తిప్పేలా చేసిన సినిమా ‘కె.జి.యఫ్’. అప్పటివరకు ప్రపంచానికి పెద్దగా తెలియని శాండల్ వుడ్ ఇండస్ట్రీ పేరు ఒక్కసారిగా మార్మోగిపోయేలా చేసిన సినిమా.. 2018 డిసెంబర్‌లో వచ్చిన ఫస్ట్ పార్ట్ చూసిన ప్రేక్షకులు ఆశ్చర్యపోయారు.
ఇంతకుముందెన్నడూ తెరమీద చూడని కోలార్ గోల్డ్ ఫీల్డ్స్ బ్యాక్ డ్రాప్‌లో, అమ్మ సెంటిమెంట్, అదిరిపోయే హీరోయిజం, రోమాలు నిక్కబొడుచుకునే యాక్షన్ సీన్స్‌కి అంతా ఫిదా అయిపోయారు. పాన్ ఇండియా స్థాయిలో సెన్సేషన్ క్రియేట్ చేసిందీ సినిమా. రాకింగ్ స్టార్ యశ్ పాన్ ఇండియా స్టార్ అయిపోయాడు.
ఇక దర్శకుడు ప్రశాంత్ నీల్ సొంతం చేసుకున్న పేరు గురించి కొత్తగా చెప్పక్కర్లేదు. ఆకాశాన్నంటే అంచనాలతో 2022 ఏప్రిల్ 14న వరల్డ్ వైడ్ గ్రాండ్‌గా ‘కె.జి.యఫ్ 2’ రిలీజ్ అయ్యింది. ఆ ఆంచనాలను మించి బొమ్మ బ్లాక్ బస్టర్ అయ్యింది. వందలకోట్ల కలెక్షన్లతో బాక్సాఫీస్ దుమ్ముదులిపి సౌత్ సినిమా సత్తా ఏంటనేది మరోసారి నిరూపించింది.
జూలై 22 నాటికి ‘కె.జి.యఫ్ 2’ విజయంతంగా 100 రోజులు పూర్తి చేసుకుంటోంది. ఇప్పటికే డైరెక్టర్ సీక్వెల్ గురించి కొన్నిసార్లు చెప్పుకొచ్చారు. త్వరలో ‘కె.జి.యఫ్’ ఫ్రాంఛైజీలో థర్డ్ పార్ట్ అనౌన్స్ చేసే అవకాశముందని తెలుస్తోంది. అమ్మ, రాకీ భాయ్, గరుడ, అధీరా, ఇనాయత్ ఖలీల్, రమికా సేన్ ఇలాంటి క్యారెక్టర్లు ఎప్పటికీ గుర్తుండిపోతాయి.
Leave a comment