SIR Teaser: కోలీవుడ్ యంగ్ స్టార్, వెర్సటైల్ యాక్టర్ ధనుష్ ‘సార్’ (SIR) మూవీతో టాలీవుడ్ ఎంట్రీ ఇస్తున్నారు. తమిళ్‌లో ‘వాతి’ (Vaathi) పేరుతో తెరకెక్కిస్తున్నారు. యువ దర్శకుడు వెంకీ అట్లూరి డైరెక్షన్లో.. సితార ఎంటర్‌టైన్‌మెంట్స్, శ్రీకర స్టూడియోస్, ఫార్చ్యూన్ సినిమాస్ బ్యానర్ల మీద సూర్యదేవర నాగ వంశీ – సాయి సౌజన్య నిర్మిస్తున్నారు. ధనుష్ లెక్చరర్ క్యారెక్టర్‌లో కనిపించనున్నారు.
జూలై 28 ధనుష్ పుట్టినరోజు.. ఈ సందర్భంగా ఒకరోజు ముందుగా ‘సార్’ ఫిలిం నుండి ధనుష్ ఫస్ట్ లుక్ రిలీజ్ చేయగా మంచి స్పందన వచ్చింది. గురువారం (జూలై 28) ఉదయం సెకండ్ లుక్ కూడా విడుదల చేశారు. సాయంత్రం ‘సార్’ & ‘వాతి’ టీజర్ రిలీజ్ చేశారు టీమ్.
టీజర్ ఆద్యంతం ఆసక్తికరంగా ఉంది. విద్యావ్యవస్థ గొప్పతనంతో పాటు అందులోని లోపాలను ఎత్తిచూపుతూ ఆకట్టుకునే కథ రాసుకున్నారు దర్శకుడు. ‘విద్య అనేది గుడిలో దేవుడికి పెట్టే నైవేద్యంతో సమానం సార్.. పంచండి.. ఫైవ్ స్టార్ హోటల్‌లో డిష్‌లాగా అమ్మకండి’ అనే డైలాగ్ అలరిస్తుంది.
యువరాజ్ విజువల్స్, జి.వి.ప్రకాష్ కుమార్ బ్యాగ్రౌండ్ స్కోర్ బాగున్నాయి. ఈ టీజర్‌కి తెలుగు, తమిళ్ ఆడియన్స్ నుండి, ఫ్యాన్స్ నుండి మంచి రెస్పాన్స్ వస్తోంది. ప్రస్తుతం శరవేగంగా షూటింగ్ జరుపుకుంటున్న ‘సార్’ చిత్రాన్ని అక్టోబర్‌లో విడుదల చెయ్యడానికి సన్నాహాలు చేస్తున్నారు..
Leave a comment