Rohini: సీరియ‌ల్స్‌, షోస్‌, ప్రోగ్రామ్స్ ద్వారా మంచి పాపులారిటీ ద‌క్కించుకున్న లేడి ఆర్టిస్ట్ రోహిణి. ప్ర‌ముఖ కామెడీ షో జ‌బ‌ర్ద‌స్త్‌లోనూ క‌నిపించి ఎంతో మంది ఆద‌ర‌ణ దక్కించుకుంది. ఇప్పుడు షోస్‌తో పాటు ప‌లు సినిమాల కూడా చేస్తూ చేతినిండా అవ‌కాశాల‌తో ఆమె ఫుల్ బిజీగా ఉంటోంది. కాగా, 2016లో రోహిణికి యాక్సిడెంట్ కాగా, డాక్ట‌ర్స్ ఆమె కాలికి రాడ్ వేశారు. న‌టిగా కెరీర్‌లో బిజీగా ఉండ‌టం వ‌ల్ల ఆ రాడ్‌ను తొలగించ‌లేదు. ఇటీవ‌ల ఆమెకు కాలిలో నొప్పి మొదలు కావ‌డంతో వైద్యులను సంప్ర‌దించింది. వారు యాక్సిడెంట్ స‌మ‌యంలో అమ‌ర్చిన రాడ్‌ను తొల‌గించారు.
రోహిణి మొద‌ట సీరియ‌ల్స్‌తో తెలుగు ప్రేక్ష‌కుల‌ని ప‌ల‌క‌రించింది. ఆ త‌ర్వాత ఈ అమ్మ‌డికి బిగ్ బాస్ ఆఫ‌ర్ ద‌క్కింది. బిగ్ బాస్ షోతో రోహిణి చాలా మంది నోటెడ్ అయింది.ఇక జ‌బ‌ర్ధ‌స్త్‌లో కూడా ఈ అమ్మ‌డి హంగామా చాలానే ఉంది. ఏకంగా ఇప్పుడు టీం లీడ‌ర్‌గా ఉన్న రోహిణి.. రీసెంట్ ఇంట‌ర్వ్యూలో తాను కాస్టింగ్ కౌచ్ బాధితురాలినే అని చెప్పుకొచ్చింది. ఇటీవ‌ల సినిమా హీరోయిన్ల నుండి క్యారెక్ట‌ర్ ఆర్టిస్ట్‌ల వ‌ర‌కు నిర్భయంగా మీడియా ముందుకు వ‌చ్చి త‌మ జీవితంలో ఎదురైన విచిత్ర ప‌రిస్థితులు గురించి చెప్పుకొస్తున్నారు. ఈ క్ర‌మంలోనే రోహిణి కూడా ఆస‌క్తిక‌ర కామెంట్స్ చేసింది.
మొదట్లో అవ‌కాశాల కోసం వెళ్లినప్పుడు సెక్స్ కావాలంటూ కొందరు అడిగారు. దాంతో అక్కడి నుంచి వెంట‌నే వచ్చేశాను. మరో సారి అలానే ఆడిషన్స్ కోసం వెళ్తే అక్కడ నా తండ్రి వయసున్న ఓ వ్యక్తి నీకు ఛాన్స్ ఇస్తా నాకేంటి అంటూ విచిత్రంగా అడిగాడు. అది కూడా సింపుల్ గా రిజెక్ట్ చేసి వచ్చేశానని తెలిపింది. నా కెరీర్‌లో ఇలా చాలా సార్లు జరిగింది. అలాంటి వాటికి ఎప్పుడూ ఒప్పుకోలేదు. నా ట్యాలెంట్ కు ఏ ఛాన్స్ వస్తే దానితోనే సంతృప్తి పడుతూ ముందుకు వెళుతున్నాను. నా జీవితంలో నేను పెద్దగా గోల్స్ ఏమీ పెట్టుకోలేదు అంటూ చెప్పుకొచ్చింది రోహిణి. ఇప్పుడు ఆమె చేసిన కామెంట్స్ సినీ వ‌ర్గాల‌లో చ‌ర్చ‌నీయాంశంగా మారాయి.
