Mahesh Babu: ‘సూపర్ స్టార్’, ‘నటశేఖర’ కృష్ణ గారి నటవారసుడు.. చిన్నతనంలోనే స్టార్ డమ్ తెచ్చుకున్న ‘ప్రిన్స్’.. రీల్ లైఫ్‌తో పాటు రియల్ లైఫ్‌లోనూ హీరో అనిపించుకున్న ‘సూపర్ స్టార్’.. ఘట్టమనేని మహేష్ బాబు నేడు (ఆగస్టు 9) 47వ పుట్టినరోజు జరుపుకుంటున్నారు. ఈ సందర్భంగా సోషల్ మీడియా ద్వారా పలు రంగాలకు చెందిన ప్రముఖులు, ఇతర భాషల సెలబ్రిటీలు ఆయనకు శుభాకాంక్షలు తెలియజేస్తున్నారు.
మెగాస్టార్ చిరంజీవి, విక్టరీ వెంకటేష్, యంగ్ టైగర్ ఎన్టీఆర్, మహేష్ బావ గల్లా జయదేవ్, సోదరి మంజుల ఘట్టమనేని, సుధీర్ బాబు, అశోక్ గల్లా, అడవి శేష్, సుప్రీం హీరో సాయి ధరమ్ తేజ్, కౌశల్ మండ, కబీర్ దుహాన్ సింగ్, మాలాశ్రీ, డైరెక్టర్స్ సురేందర్ రెడ్డి, బాబీ, రమేష్ వర్మ, సుధీర్ వర్మతో సహా పలు నిర్మాణ సంస్థలు.. ఇతర హీరోల అభిమానులు మహేష్ బాబుకి హృదయపూర్వక పుట్టినరోజు శుభాకాంక్షలు తెలియజేశారు.
ట్విట్టర్‌లో #HBDSuperstarMahesh హ్యాష్ ట్యాగ్ ట్రెండింగ్‌లో ఉంది. కొద్ది రోజులనుండి మహేష్ ఫ్యాన్స్ ‘పోకిరి’ 4K ప్రింట్‌తో స్పెషల్ షోస్ వేస్తున్నారు. ఓవర్సీస్ మొదలుకుని రెండు తెలుగు రాష్ట్రాలతో పాటు మహారాష్ట్రలోనూ రికార్డ్ స్థాయిలో షోలు వేశారు. హైదరాబాద్ ప్రసాద్ ఐమాక్స్‌లోని లార్జ్ స్క్రీన్‌తో సహా పలుచోట్ల ‘ఒక్కడు’ మూవీ స్పెషల్ షోస్ కూడా వేశారు.
Leave a comment