This Week: ప్ర‌తి వారం కూడా ప్రేక్ష‌కుల ముందుకు వైవిధ్యమైన సినిమాలు వ‌స్తున్నాయి. థియేటర్స్, ఓటీటీలో వ‌చ్చే సినిమాల‌తో ప్రేక్ష‌కులు ఫుల్ ఎంట‌ర్‌టైన్ అవుతున్నారు. గ‌త వారం థియేట‌ర్‌లో చిరంజీవి భోళా శంక‌ర్, రజ‌నీకాంత్ జైలర్, ఉస్తాద్ చిత్రాలు సంద‌డి చేశాయి. ఈ వారం అయితే అన్ని చిన్న సినిమాల హంగామా క‌నిపించ‌బోతుంది. చిరునవ్వుతో, నువ్వు నాకు నచ్చావ్‌, జై చిరంజీవ, మన్మధుడు, మళ్లీశ్వరీ వంటి సినిమాలకు దర్శకత్వం వహించిన విజయ్ భాస్కర్ చాలా కాలం త‌ర్వాత జిలేబి అనే చిత్రం చేయ‌గా, ఈ వారం విడుదల కాబోతుంది. ఇక బిగ్‌బాస్‌ సోహేల్‌ హీరోగా మిస్టర్‌ ప్రెగ్నెంట్‌, సంతోష్‌ శోభన్‌ నటించిన ప్రేమ్‌ కుమార్‌, తమిళ స్టార్‌ కమెడియన్‌ సంతానం హీరోగా నటించిన డీడీ రిటర్న్స్‌ , పిజ్జా 3, హాలీవుడ్‌ డబ్బింగ్‌ బ్లూ బీటిల్స్‌ వంటి చిత్రాలలతో పాటు మరో నాలుగు చిన్న చిత్రాలు థియేటర్లలో సంద‌డి చేయ‌నున్నాయి.
ఇక ఓటీటీలో రిలీజ్ కానున్న సినిమాలు చూస్తే..ముందుగా నెట్‌ఫ్లిక్స్‌లో .. అన్‌టోల్డ్‌: ఆల్‌ ఆఫ్‌ షేమ్‌-హాలీవుడ్‌-ఆగస్టు 15న విడుదల అయింది, నో ఎస్కేప్‌ రూమ్‌-హాలీవుడ్‌-ఆగస్టు 15న రిలీజ్ కాగా ప్ర‌స్తుతం స్ట్రీమ్ అవుతుంది. డెప్‌ వర్సెస్‌ హర్డ్‌-డాక్యుమెంటరీ సిరీస్‌-ఆగస్టు 16న విడుదల, గన్స్‌ అండ్‌ గులాబ్స్‌-హిందీ సిరీస్‌-ఆగస్టు 18న విడుదల, మాస్క్‌ గర్ల్-కొరియన్‌ సిరీస్‌-ఆగస్టు 18న స్ట్రీమింగ్ కానుంది. ఇక అమెజాన్‌ ప్రైమ్ లో హర్లాన్‌ కొబెన్స్‌ షెల్టర్‌-వెబ్‌ సిరీస్‌-ఆగస్టు 18న స్ట్రీమింగ్ కాబోతుంది.
ఇక జీ5లో ఛత్రపతి-హిందీ-ఆగస్టు 15న విడుదలై స్ట్రీమింగ్ అవుతుంది. బుక్‌ మై షోలో బాబిలోన్‌ 5: రోడ్‌ హోమ్‌-హాలీవుడ్‌- ఆగస్టు 15న విడుదల కాగా, డాంఫైర్‌-హాలీవుడ్‌-ఆగస్టు 15న విడుదల అయింది. స్టోరీస్‌ నాట్‌ టూబీ టోల్డ్‌-హాలీవుడ్‌-ఆగస్టు 15న విడుదలై ప్ర‌స్తుతం స్ట్రీమ్ అవుతుంది. ఇక జియోలో తాలీ-హిందీ-ఆగస్టు 15న విడుదల ఫ సే ఫాంటసీ-హిందీ-ఆగస్టు 15న విడుదలై స్ట్రీమ్ అవుతున్నాయి. ఇక ఈటీవీ విన్ లో అన్నపూర్ణ ఫొటో స్టూడియో-తెలుగు-ఆగస్టు 15 నుండి స్ట్రీమ్ అవుతుంది. ఇలా ఈ వారం మొత్తం చిన్న సినిమాల హంగామా క‌నిపించ‌నుంది.
