ఇక చిత్ర పరిశ్రమలో కొన్ని సినిమాల్లో కొంతమంది హీరోలు చేస్తేనే ఎంతో బాగుంటుంది. మరికొందరు చేస్తే అవి అసలు సెట్ అవ్వవు. ఇక మన టాలీవుడ్ లో ఉన్న సీనియర్ హీరోలో కలిసి సినిమాలు చేస్తే ఆ సినిమాలను చూసేందుకు ప్రేక్షకులు ఎంతో ఆసక్తి చూపించేవారు. వారి నటనతో ఆ సినిమాలను నెక్స్ట్ లెవల్ కు తీసుకు వెళ్లేవారు. అయితే గతంలో చిరంజీవి- బాలకృష్ణతో మల్టీ స్టార్ సినిమా చేయాలని చాలామంది దర్శకులు ప్లాన్ చేశారు.
కానీ అవి పెద్దగా వర్క్ అవలేదు. ఆ సమయంలో వీరితో మాస్ సినిమా కంటే ఓ పౌరాణిక సినిమా చేయాలని ప్లాన్ చేశారు. అది కూడా దర్శకేంద్రుడు రాఘవేంద్రరావు దర్శకత్వంలో తెరకెక్కిన శ్రీ మంజునాథ సినిమాలో చిరంజీవి శివుడుగా, యాక్షన్ హీరో అర్జున్ శివ భక్తుడుగా నటించిన విషయం అందరికీ తెలిసిందే. అయితే ఈ సినిమాలో ముందుగా అర్జున్ క్యారెక్టర్ ని బాలయ్య తో చేయాలని రాఘవేందర్రావు భావించారట. కానీ బాలయ్య ఆ క్యారెక్టర్ కి పెద్దగా స్కోప్ లేదని ఉద్దేశంతో ఆ సినిమాకు నో చెప్పారట. ఇక ఫైనల్గా అర్జున్‌తో ఆ క్యారెక్టర్ ని చేయించారు.
ఇక శ్రీ మంజునాథ సినిమా కూడా మంచి విజయం సాధించింది. అయితే బాలకృష్ణ-చిరంజీవి కాంబోలో మల్టీస్టారర్ మూవీగా వస్తే ఈ సినిమాకు భారీ కలెక్షన్లు వచ్చేవని అప్పట్లో చాలామంది సినీ ప్రముఖులు అభిప్రాయపడ్డారు. ఇక అప్పటినుంచి ఇప్పటివరకు కూడా బాలయ్య-చిరంజీవి కాంబోలో మల్టీస్టారర్ మూవీ అయితే రాలేదు. ఆ మూవీ వస్తే చూడాలని అటు నందమూరి అభిమానులు, ఇటు మెగా అభిమానులు ఎంతో ఆసక్తితో ఎదురు చూస్తున్నారు. ఇక వీరి కాంబోలో ర‌కాపోయిన చిరంజీవి తనయుడు రామ్ చరణ్-నందమూరి నట వారసుడు ఎన్టీఆర్ కలిసి త్రిబుల్ ఆర్‌ మూవీలో నటించారు. ఇక మ‌రీ రాబోయే రోజుల్లో చిరు- బాలయ్య కాంబోలో సినిమా వ‌స్తుందో లేదో చూడాలి.
