విజయ్ దేవరకొండ వరుసగా సినిమాలు చేస్తూ వస్తున్న సంగతి తెలిసిందే. అతని సక్సెస్ తో తమ్ముడైన ఆనంద్ దేవరకొండ కూడా సినిమాలో తన లక్ ని పరీక్షించుకోవాలి అనుకుంటున్నాడు. తీసిన మొదటి సినిమా నటుడిగా అతనికి కాస్త గుర్తింపు తీసుకువచ్చింది. ఐతే, ఇప్పుడు ఆనంద్ నటిస్తున్న మరో సినిమా ‘పుష్పక విమానం’ షూటింగ్ పార్ట్ మొత్తం పూర్తి చేసుకుంది.
ఈ చిత్రానికి దర్శకత్వం వహిస్తున్న దామోదర కి ఇదే మొదటి సినిమా. ఇప్పటికే సినిమా ప్రమోషన్ లో బిజీ అవుతున్న సినిమా టీం ‘సిలకా’ అనే పాటని రిలీజ్ కూడా చేసింది. గీత్ సైని, సాన్వి మేఘన ఫీమేల్ లీడ్స్ గా నటించబోతున్న ఈ సినిమా ఒక ఫ్యామిలీ కామెడీ ఎంటర్టైనర్ గా ఉండబోతుందని అంటున్నారు.
ఇంకా పోస్ట్ ప్రొడక్షన్ జరగాల్సి ఉన్న ఈ సినిమాని ఓటీటీలోనే రిలీజ్ చేసే ఆలోచనలో ఉన్నట్టు తెలుస్తోంది. ఇందుకోసం నేరుగా అమెజాన్ ప్రైమ్ తో చర్చలు జరుపుతున్నారట. ఆనంద్ దేవరకొండ చేసిన ఇంతకు ముందు సినిమా ‘మిడిల్ క్లాస్ మెలొడీస్’ కూడా ఇదే ఓటీటీ ప్లాట్ ఫామ్ లో విడుదలైన సంగతి తెలిసిందే. ఆ సినిమాకి అంతటా పాజిటివ్ స్పందనలు వచ్చాయి.
ఈ సినిమాని స్వయంగా విజయ్ సమర్పిస్తుండగా, వాళ్ళ నాన్న గోవర్ధన రావ్ దేవరకొండ విజయ్ మట్టుపల్లి, ప్రదీప్ ఎర్రబెల్లిలతో కలిసి నిర్మాతగా వ్యవహరిస్తున్నారు.
Leave a comment