శ్రీ ఆంజనేయం సినిమాలో అర్జున్ ఆంజనేయుడిగా నటించిన సంగతి మనకి తెలిసిందే. కానీ ఆ సినిమాలో అతన్ని కేవలం నటుడిగా మాత్రమే చూశాం. ఇప్పుడు అర్థమవుతున్న విషయం ఏమిటంటే అర్జున్ సర్జా నిజ జీవితంలోనూ గొప్ప ఆంజనేయ భక్తుడని తెలుస్తుంది. గత 15 సంవత్సరాలుగా ఆంజనేయ స్వామి గుడిని నిర్మిస్తూ.. ఎట్టకేలకు ఆ గుడిని నిర్మించడం పూర్తి చేసిన సంధర్భంగా అర్జున్ ఈ విషయాన్ని సోషల్ మీడియాలో వ్యక్తం చేసారు.
జూలై 1, 2 తేదీలలో ఈ గుడి ప్రారంభోత్సవానికి సంబంధించిన కార్యక్రమాలు జరుగుతాయని, వాటికి అందరినీ పిలిచే ఆలోచన ఉన్నా కరోనా కారణాల వల్ల ఈ కార్యక్రమాన్ని లైవ్ లో చూపిస్తున్నామని ఆయన చెప్పారు. అర్జున్ స్వయంగా తన స్వంత నిధులతో నిర్మించిన ఈ గుడి కార్యక్రమాలని ఎవ్వరూ మిస్ అవకూడదని లైవ్ స్ట్రీమ్ చేస్తున్నట్లు చెప్పుకొచ్చాడు అర్జున్. ఆసక్తి ఉన్నవాళ్ళు అర్జున్ తన చానెల్ లో సజెస్ట్ చేసిన లింక్ ద్వారా ఈ కార్యక్రమాన్ని వీక్షించవచ్చు.
Leave a comment