సోగ్గాడే చిన్ని నాయన సినిమాతో నాగార్జున అభిమానులని కేరింతలు కొట్టించిన సంగతి తెలిసిందే. ఆ సినిమా సక్సెస్ నాగార్జున కెరీర్ లో ఒకానొక బెస్ట్ గా నిలిచింది. డబుల్ ఆక్షన్ లో చేసిన ఆ సినిమా మంచి హిట్ అయిన సంగతి తెలిసిందే. రమ్యకృష్ణ నాగ్ కి జంటగా కనిపించడం కూడా ఒక ప్లస్ అయింది.
ఆ సినిమాలో నాగార్జున బంగార్రాజు పేరుతో కనిపిస్తాడు. ఇప్పుడు అదే టైటిల్ గా మరో సినిమా రాబోతున్నట్లు తెలుస్తోంది. ఐతే, ఆ సినిమాలో నాగార్జున, రమ్యకృష్ణలు యధావిధిగా జంటగా కనిపిస్తూ ఉన్నప్పటికీ.. సినిమాకి మరింత మైలేజ్ తీసుకురావడం కోసం మరో పాపులర్ నటిని సినిమా టీమ్ లోకి తీసుకువచ్చే ప్రయత్నాల్లో ఉన్నట్టు సమాచారం.
ఐతే, ఈ అదనపు గ్లామర్ పాత్ర కోసం ఇప్పటికే తెలుగు ప్రజలకు బాగా పరిచయం అయిన జయప్రద గారిని పరిశీలిస్తున్నారు. కానీ.. నాగార్జునకి జయప్రద అత్తలా కనిపించడానికి ఒప్పుకుంటుందా లేదా అనేది చూడాల్సి ఉంది. అలాగే నాగచైతన్య కూడా ఈ సినిమాలో కనిపించబోతున్నట్లు వార్తలు వినిపిస్తున్నాయి. జయప్రదకి సంబంధించి మాత్రం ఎలాంటి అధికారిక ప్రకటన ఐతే రాలేదు.
Leave a comment