సోనూ సూద్ గురించి ప్రత్యేకంగా చెప్పాల్సిన అవసరం లేదు. ఈ మధ్య మంచి పనులు చేసి బాగా పాపులర్ అయిపోయాడు. కొంతకాలం క్రితమే నెల్లూర్ వాసులకి ఆక్సిజన్ ప్లాంట్ పంపించి రియల్ హీరో అనిపించుకున్నాడు. ఒక రాజకీయ నాయకుడు కూడా చేయని మంచి పనులు అతను చేస్తూ ఉండటం అందరికీ చాలా ఆశ్చర్యాన్ని కలిగించింది. అంతలా జనాల హృదయాలలో చోటు సంపాదించాడు సోనూ.
ఐతే, అతను సినిమా వాడు కాబట్టి ఈ మధ్య చర్చకి వచ్చిన మూవీ ఆర్టిస్ట్స్ అసోసియేషన్ ఎన్నికల విషయంలో సోనూ సూద్ ప్రస్తావన కూడా వస్తుంది. ఇప్పటిదాకా సోనూ సూద్ చేసిన మంచి పనులు.. సినిమా వాళ్ళని కూడా బాగా ఆకర్షించాయి. అసలు ఎలాంటి అధికారం లేకుండా సోనూ సూద్ ఇలాంటి ధోరణి కలిగి ఉన్నాడంటే.. ఇక నిజంగా అతనికి ఏదైనా అధికారం ఉంటే ఇంకా ఎంత మంచి పని చేస్తాడోనని కొందరు అభిప్రాయపడుతున్నారు. ముఖ్యంగా ఇప్పటికీ ఎలాంటి మంచి పనులు చేయలేకపోతున్నారని అనిపించుకుంటున్న మా లీడర్స్ కి పోటీగా సోనూ సూద్ వస్తే ఎంత బాగుంటుందన్న వాదన వినిపిస్తోంది. పైగా లోకల్, నాన్ లోకల్ అంటూ ఏదీ ఉండదని కూడా నిరూపితం ఐపోయింది.
ఈ మధ్యనే కేటీఆర్ ని కలిసిన సోనూ సూద్ రాజకీయ రంగ ప్రవేశం కూడా చేసే అవకాశం లేకపోలేదు అని భావిస్తున్నారు. నెల్లూర్ తన స్వంత ఊరు కాకపోయినా.. స్వంత డబ్బులు పెట్టుకుని సాటి మనిషికి సహాయం చేస్తున్న సోనూ సూద్.. తోటి సినిమాలకి అధికారం ద్వారా ఇంకెంత సహాయం చేస్తాడు కదా అని అనుకుంటున్నారు.
Leave a comment