రిలీజైన ‘వద్దురా సోదరా..’ మోషన్ పోస్టర్!

‘నా గర్ల్ ఫ్రెండ్ నేను లేకుండా సంతోషంగా ఉండలేను అని చెప్పినందుకు నేను కూడా సంతోషంగా ఉండటం మానేసాను.. సంతోషం అనే ముసుగు వేసుకుని బ్రతికేస్తున్నాను.. I am happily unhappy..’ అంటూ ఈ మధ్యనే ఒక మోషన్ పోస్టర్ రిలీజ్ చేసింది ‘వద్దురా సోదరా..’ మూవీ టీమ్. స్వేఛ్చ క్రియేషన్స్ మరియు StabFab ప్రొడక్షన్స్ ద్వారా ధీరజ్ మొగిలినేని, అమ్రేజ్ సూర్యవంశీ ఇద్దరూ కలిసి నిర్మిస్తున్న ఈ సినిమాలో రిషి హీరోగా, ధన్య బాలక్రిష్ణ జంటగా కనిపించబోతున్నారు. ఇస్లాహుద్దీన్ ఈ సినిమాకి దర్శకత్వం వహించారు. కన్నడలో కూడా విడుదల అవ్వబోతున్న ఈ సినిమా పోస్టర్, స్టోరీ లైన్ చూస్తుంటే కాస్త కొత్తగా అనిపిస్తున్నాయి.

ఈ కన్నడ హీరో పోస్టర్ లో కుర్చీకి కట్టేసి ఉండి, చేతులకి బాక్సింగ్ గ్లౌజ్ లతో, తలపై లైట్స్ తో ఉన్న కిరీటంతో సినిమా టీమ్ ప్రేక్షకులకి ఏం చెప్పబోతుందో వేచి చూడాల్సిందే. విష్ణు ప్రసాద్ ఈ సినిమాకి సినిమాటోగ్రాఫర్ గా పని చేస్తున్నారు. ఎడిటింగ్ గురుస్వామి చేస్తుండగా, సంగీతం ప్రసన్న శివారామన్ అందిస్తున్నారు. ప్రధాన పాత్రల్లో మహాదేవ్ ప్రసాద్, భవానీ ప్రకాష్, అపూర్వ భరద్వాజ్, నాగభూషణ నటిస్తున్నారు. KGF సినిమా తర్వాత మెల్లగా కన్నడ హీరోలు తెలుగు సినీ తెరపై కూడా ఏకకాలంలో తమ అదృష్టం పరీక్షించుకోవాలి అనుకుంటున్నారు. ఇది ఎంతవరకు సక్సెస్ అవుతుందో చూడాల్సి ఉంది.