గుణశేకర్ చేపపట్టిన మరో పౌరాణిక యజ్ఞం ‘శాకుంతలం’. ఈ మూవీ లో సమంతా ప్రధాన పాత్రలో నటిస్తున్న విషయం మనకు తెలిసిందే. దేవ్ మోహన్ మరో కీలక పాత్ర పోషిస్తున్న ఈ సినిమా మెల్లగా అంచనాలను పెంచడం మొదలెట్టింది. చారిత్రాత్మక పాత్ర అయిన శకుంతలని శేఖర్ ఎలా చూపించబోతున్నాడన్న ఆసక్తి ఒకవైపు నడుస్తూ ఉంటే.. ఇప్పుడు కొత్తగా ఇందులోకి మరో స్టార్ కిడ్ ఎంట్రీ ఇచ్చింది.
ఆమె ఎవరో కాదు మన ఐకాన్ స్టార్ అల్లు అర్జున్ కూతురు అల్లు అర్హ. రామలింగయ్య గారి మునిమనుమరాలు, అల్లు అరవింద్ గారి మనుమరాలు, అల్లు అర్జున్ & స్నేహల ముద్దుల కూతురు అంటూ ఆమెని శాకుంతలం టీం ఇన్వైట్ చేసింది. ఐతే, ఆ చిన్న పాప ఇందులో ఏం పాత్ర పోషించబోతుంది అన్న విషయం కూడా యధావిధిగా చర్చకు వచ్చేసింది. ఇప్పటిదాకా.. చాలా మంది పెద్ద సెలబ్రిటీలుగా మారిన వాళ్ళు తమ చిన్నతనంలో ఇలా హీరో, హీరోయిన్ల ఫ్లాష్ బ్యాక్ లో చిన్నప్పటి వ్యక్తుల్లా నటించటమో.. లేదా వాళ్ళ పిల్లలుగా నటించటమో జరుగుతూనే ఉంది.
ఇప్పుడు వాళ్ళ వరసలో చేరుతోంది అల్లు అర్హ. ఇందులో బాల భరతగా కనిపించబోతుందట అర్హ. ఈ విషయాన్ని అల్లు అర్జున్ కూడా తన అభిమానులతో పంచుకున్నాడు. ట్విట్టర్ వేదికగా చేసిన అనౌన్స్ మెంట్ లో తమ అల్లు కుటుంబం నుండి నాలుగో తరం నటిగా తన కూతురు కూడా వినోదం పంచడానికి వచ్చేస్తుందని ప్రకటించాడు. ‘శాకుంతలం’ అనే ఈ అందమైన సినిమాలో నా కూతురికి అవకాశం ఇచ్చినందుకు గుణశేఖర్, నీలిమా దంపతులకి థాంక్స్ చెప్పాడు.
Leave a comment