Adipurush: ‘బాహుబలి’ సిరీస్ సినిమాలతో మన టాలీవుడ్ రెబల్ స్టార్, పాన్ ఇండియా స్టార్ అయిపోయాడు. విదేశాల్లోనూ ఫ్యాన్ ఫాలోయింగ్ పెరిగిపోయింది. తర్వాత డార్లింగ్ చేస్తున్నవన్నీ కూడా పాన్ ఇండియా మూవీసే. ‘సలార్’ షూటింగ్ స్టేజ్‌లో ఉంది. బాలీవుడ్ ఎంట్రీ ఇస్తున్న ‘ఆదిపురుష్’ షూట్ కంప్లీట్ చేసేశాడు.
నాగ్ అశ్విన్‌తో చేస్తున్న ‘ప్రాజెక్ట్ -K’ పాన్ వరల్డ్ రేంజ్ ఫిలిం అంటున్నారు. దాని తర్వాత ‘అర్జున్ రెడ్డి’ తో తెలుగులో, ‘కబీర్ సింగ్’ తో హిందీలో సెన్సేషన్ క్రియేట్ చేసిన సందీప్ రెడ్డి వంగా దర్శకత్వంలో ‘స్పిరిట్’ చెయ్యబోతున్నాడు.
ప్రభాస్ గురించి ఏ చిన్న న్యూస్ వచ్చినా.. అది నేషనల్ మీడియాతో పాటు సోషల్ మీడియాలోనూ వైరల్ అవుతుంది. రీసెంట్‌గా ‘ఆదిపురుష్’ టీమ్.. బాంబేలోని డైరెక్టర్ ఓం రౌత్ ఇంట్లో కలిశారు. ప్రభాస్, సైఫ్ అలీఖాన్, కృతి సనన్, సన్నీ సింగ్‌లతో ఓం రౌత్ సినిమా గురించి చర్చించారు. డిస్కషన్ అనంతరం తీసిన ప్రభాస్ అండ్ టీం పిక్స్, వీడియోస్ వైరల్ అవుతున్నాయి.
రామాయణం ఆధారంగా అత్యంత ప్రెస్టీజియస్‌గా, భారీ బడ్జెట్‌తో.. విజువల్ వండర్‌గా తెరకెక్కుతున్న ‘ఆదిపురుష్’ ప్రస్తుతం పోస్ట్ ప్రొడక్షన్ వర్క్ జరుపుకుంటోంది. ప్రపంచవ్యాప్తంగా వచ్చే ఏడాది జనవరి 12న సినిమా అత్యంత భారీ స్థాయిలో విడుదల కానుంది.
Leave a comment