Akhil Akkineni: సినిమా సినిమాకీ క్యారెక్టర్ పరంగా కష్టపడుతున్నాడు అక్కినేని యంగ్ హీరో అఖిల్. గతేడాది ‘మోస్ట్ ఎలిజిబుల్ బ్యాచ్‌లర్’ తో హీరోగా ఫస్ట్ హిట్ కొట్టాడు. ప్రస్తుతం స్టైలిష్ డైరెక్టర్ సురేందర్ రెడ్డితో ‘ఏజెంట్’ అనే స్టైలిష్ యాక్షన్ ఎంటర్‌టైనర్ చేస్తున్నాడు.
సురేందర్ రెడ్డి రెగ్యులర్ రైటర్ వక్కంతం వంశీ కథనందిస్తుండగా.. ఏకే ఎంటర్‌టైన్‌మెంట్స్, సురేందర్ 2 సినిమా సంస్థలు సంయుక్తంగా నిర్మిస్తున్నాయి. సాక్షి వైద్య హీరోయిన్. మలయాళ మెగాస్టార్ మమ్ముట్టి ఇంపార్టెంట్ రోల్ చేస్తున్నారు. ప్రస్తుతం రెగ్యులర్ షూటింగ్ జరుగుతుంది.
షూటింగ్ స్టార్ట్ అయినప్పటి నుండి ఆన్ లొకేషన్ పిక్స్ సోషల్ మీడియాలో బాగా వైరల్ అవుతున్నాయి.
ఇప్పుడు హార్డ్ వర్కౌట్స్ చేస్తున్న వీడియో ఒకటి నెట్టింట చక్కర్లు కొడుతుంది. అఖిల్ చూడ్డానికి హాలీవుడ్ హీరోలా కనిపిస్తున్నాడు. బాడీ ట్రాన్స్‌ఫార్మింగ్ అదిరిపోయింది. కెరీర్‌లో ఫస్ట్ టైం ‘ఏజెంట్’ లాంటి సాలిడ్ స్టైలిష్ యాక్షన్ ఫిలిం చేస్తున్న అఖిల్‌ని సురేందర్ రెడ్డి చాలా డిఫరెంట్‌గా చూపించబోతున్నారు. జూలైలో టీజర్ వచ్చే అవకాశముంది. దసరాకి విడుదల చెయ్యాలని సన్నాహాలు చేస్తున్నారు.
Leave a comment