అక్షయ్ కుమార్ ఎప్పుడూ సమాజానికి ఏదోక మెసేజ్ ఇచ్చే సినిమాలను చేస్తూ ఉంటాడు. అప్పుడప్పుడూ కామెడీ సినిమాలను ఎంచుకుంటూ ఉంటాడు. ఐతే, ఏదోక మంచి మెసేజ్ ఉండే సినిమాలు చేయడానికి ఇష్టపడుతున్న అక్షయ్ కుమార్ కంట రాక్షసుడు సినిమా పడింది.
ఈ సినిమా ఒరిజినల్ గా తమిళ్ లో తీయబడింది. డైరెక్టర్ రామ్ కుమార్ ‘రాక్షసన్’ పేరుతో విష్ణు విశాల్, అమలా పాల్ లతో చేసిన ఈ సినిమా అక్కడ మంచి సక్సెస్ సాధించింది. తర్వాత అదే సినిమాని తెలుగులో రాక్షసుడు గా తీశారు. తెలుగులో బెల్లంకొండ శ్రీనివాస్, అనుపమా పరమేశ్వరన్ జంటగా నటించారు. తెలుగులో డైరెక్ట్ చేసింది రమేష్ వర్మ.
అక్షయ్ కుమార్ ఇప్పుడు ఈ సినిమానే బాలీవుడ్ లో తిరిగి నిర్మించేందుకు చర్చలు జరిపినట్టు తెలుస్తుంది. ప్రస్తుతం ఇతర సినిమాలతో బిజీగా ఉన్న అక్షయ్ కుమార్ అవి పూర్తయిన వెంటనే ఈ సినిమాపై పనిచేసే అవకాశం ఉందని తెలుస్తోంది.
Leave a comment