Allu Arjun – Trivikram: హైదరాబాద్‌లో త్రివిక్రమ్ దర్శకత్వంలో జరుగుతున్న షూటింగులో పాల్గొన్నారు ఐకాన్ స్టార్ అల్లు అర్జున్. అదేంటి బన్నీ- సుకుమార్ డైరెక్షన్‌లో చెయ్యబోయే ‘పుష్ప’ సీక్వెల్ ‘పుష్ప 2’ షూట్ వచ్చే నెలలో స్టార్ట్ అవుతుంది అన్నారు కదా.. ఇంతలో వీళ్ల కాంబోలో ఏం సినిమా అబ్బా అని ఆలోచిస్తున్నారా?..
త్రివిక్రమ్ దర్శకత్వంలో బన్నీ యాక్ట్ చేస్తున్నారు.. అవును ఇది నిజమే.. వీళ్లిద్దరూ కలిసి వర్క్ చేస్తుంది ఓ పాపులర్ బ్రాండ్ యాడ్ కోసం. ఇంతకుముందు ఆహా యాడ్ కోసం బన్నీ, త్రివిక్రమ్ కలిసి పని చేశారు.
జులాయి, సన్నాఫ్ సత్యమూర్తి, అల.. వైకుంఠపురములో’ వంటి హ్యాట్రిక్ హిట్స్ ఈ క్రేజీ కాంబోలో వచ్చిన సంగతి తెలిసిందే. ఈమధ్య కాలంలో బన్నీ పలు పాపులర్ బ్రాండ్లకు అంబాసిడర్‌గా అగ్రిమెంట్ చేశారు. వాటిలో ప్రస్తుతం త్రివిక్రమ్ దర్శకత్వంలో ఓ యాడ్‌లో నటిస్తున్నారు. ఐకాన్ స్టార్ స్టైలిష్ అవతార్‌లో ఉన్న పిక్స్ సోషల్ మీడియాలో చక్కర్లు కొడుతున్నాయి.
Leave a comment