Venu Swamy: ప్ర‌ముఖ జ్యోతిష్కుడు.. వేణు స్వామి పేరు ఇప్పుడు తెలుగు రాష్ట్రాల‌లో మారుమ్రోగిపోతుంది. తెలుగు సినిమా ఇండస్ట్రీలో స్టార్ సెలబ్రిటీస్ కి ఎంత క్రేజీ ఫ్యాన్ ఫాలోయింగ్ ఉందో .. అలాంటి ఫ్యాన్ ఫాలోయింగ్ వేణు స్వామికి ఉంద‌న‌డంలో ఎలాంటి సందేహం లేదు. సోష‌ల్ మీడియాని ఉప‌యోగించుకొని స్టార్ట్ సెలబ్రిటీస్ ల లైఫ్ లో ఏం జరగబోతుందో అభిమానులకి కళ్లకు కట్టినట్లు చూపిస్తూ పాపులారిటీ ద‌క్కించుకున్నాడు వేణుస్వామి. ఎప్పుడైతే స‌మంత, నాగ చైత‌న్య విడిపోతార‌ని ఆయ‌న చెప్పాడో అప్ప‌టి నుండి ఆయ‌న చెప్పే జాత‌కాల‌పై సామాన్యుల‌తో పాటు సెల‌బ్రిటీల‌కు న‌మ్మ‌కం ఏర్ప‌డింది. ఇటీవ‌ల రామ్ చరణ్ కూతురి జాత‌కం గురించి కూడా చెప్పి వార్త‌ల‌లోకి ఎక్కారు.
అయితే వేణు స్వామి ఇటీవ‌ల హీరోయిన్స్ ఇంట్లో పూజలు చేస్తూ హాట్ టాపిక్ అవుతున్నారు. నేష‌న‌ల్ క్ర‌ష్ ర‌ష్మిక ఇంట్లో కొన్ని సంవ‌త్స‌రాల క్రితం పూజలు చేసిన వేణు స్వామి రీసెంట్‌గా నిధి అగర్వాల్ ఇంట్లో కూడా పూజలు చేశాడు.. అందుకు సంబంధించిన వీడియో నెట్టింట తెగ హల్చల్ చేసింది. ఆ వీడియోలో నిధి అగర్వాల్.. పింక్ కలర్ చుడీదార్ ధరించి ఉండ‌గా.. వేణు స్వామి బృందం చెబుతున్నట్టుగా వేదమంత్రాల నడుమ ఆమె కలశానికి పూజలు చేశారు. నిధి అగర్వాల్ పక్కనే కూర్చొని వేణుస్వామి ఈ పూజ చేయించారు. రాజ శ్యామ‌ల యాగం చేయించిన‌ట్టు అప్ప‌ట్లో వార్త‌లు వచ్చాయి.
ఇక ఇప్పుడు డింపుల్ హ‌య‌తితో వేణు స్వామి పూజ చేయించాడు. ఆమె ఇంట్లో వేద మంత్రాల నడుమ డింపుల్ హ‌య‌తికి పూజలు చేయించాడు. ప్ర‌స్తుతం డింపుల్ హ‌య‌తి యాగంకి సంబంధించిన వీడియో కూడా నెట్టింట తెగ హల్చల్ చేస్తుంది. డింపుల్ హ‌య‌తి ప్ర‌స్తుతం శంక‌ర్ ద‌ర్శ‌క‌త్వంలో రూపొందుతున్న ఇండియ‌న్ 2 సినిమా చేస్తుంది. అయితే వేణు స్వామి తాను చేసే పూజలలో మద్యం – మాంసం నైవేద్యంగా పెడతారట . ఇది వినడానికి ఆశ్చర్యంగా ఉన్నా కూడా తాను అదే చేస్తాన‌ని ఓ సంద‌ర్భంలో చెప్పుకొచ్చాడు. పూజ చేయించుకున్న వాళ్లకి మ‌ద్యాన్నే ప్రసాదంగా కూడా పెడతారట . అందులో దాపరికం ఏమీ ఉండదు అంటూ ఓపెన్‌గా చెబుతాడు వేణు స్వామి.
