Aishwarya Arjun: ప్రముఖ కథానాయకుడు, ‘యాక్షన్ కింగ్’ అర్జున్ తన పెద్ద కుమార్తె ఐశ్వర్యను తెలుగు ఇండస్ట్రీకి కథానాయికగా పరిచయం చేస్తున్న సంగతి తెలిసిందే. యంగ్ యాక్టర్ విశ్వక్ సేన్ హీరోగా నటిస్తున్నాడు. శ్రీ రామ్ ఫిలింస్ ఇంటర్నేషనల్ బ్యానర్ మీద అర్జున్ నిర్మిస్తూ, దర్శకత్వం వహిస్తున్నారు.
ఇటీవలే ఈ సినిమా పూజా కార్యక్రమాలతో ప్రారంభమైంది. ఐశ్వర్య ఇంతకుముందు 2013లో విశాల్ నటించిన తమిళ్ మూవీ Pattathu Yaanai తో హీరోయిన్‌గా ఇంట్రడ్యూస్ అయ్యింది. ఈ మూవీ తెలుగులో ‘ధీరుడు’ పేరుతో విడదలైంది. తర్వాత తండ్రి దర్శకత్వంలో Prema Baraha (కన్నడ), Sollividava (తమిళ్) బైలింగ్వెల్ ఫిలిం చేసింది.
రీసెంట్‌గా అర్జున్ తన కుమార్తెను తీసుకెళ్లి.. కళాతపస్వి కె.విశ్వనాథ్, సూపర్ స్టార్ కృష్ణ గార్ల ఆశీస్సులు ఇప్పించారు. తండ్రిలానే ఐశ్వర్య కథానాయికగా మంచి పేరు తెచ్చుకోవాలని కృష్ణ, విశ్వనాథ్ గార్లు ఆశీర్వదించారు. త్వరలో ఈ సినిమా రెగ్యులర్ షూటింగ్ స్టార్ కానుంది.
Leave a comment