Sai Pallavi: సాయి పల్లవి.. ఈ పేరు చెప్పగానే వెంటనే.. మోస్ట్ టాలెంటెడ్ అండ్ బ్యూటిఫుల్ యాక్ట్రెస్.. అంతేకాదు.. వండర్ ఫుల్ డ్యాన్సర్ కూడా.. అని చెప్పేస్తారు. సినిమాల్లోకి రావడానికి ముందే రియాలిటీ షోస్‌లో డ్యాన్స్‌తో ప్రత్యేకమైన గుర్తింపు తెచ్చుకుంది.
ఇక హీరోయిన్‌గా ఎంట్రీ ఇచ్చాక సాయి పల్లవి నటనతో పాటు నాట్యానికి కూడా సపరేట్ ఫ్యాన్ బేస్ క్రియేట్ అయ్యింది. మాతృభాష మలయాళంతో పాటు తెలుగు, తమిళ్‌లోనూ సాయి పల్లవికి మంచి క్రేజ్ ఉంది.. ‘వచ్చిండే’, ‘రౌడీ బేబీ’, ‘ఏవండోయ్ నాని గారు’, ‘సారంగదరియా’.. ఈ సాంగ్స్ అంత బాగా క్లిక్ అవడానికి మెయిన్ రీజన్ సాయి పల్లవే అని ప్రత్యేకంగా చెప్పక్కర్లేదు.
ఇప్పుడు ‘విరాట పర్వం’ తో అందరూ అనుకున్నట్టుగానే మరోసారి సత్తా చాటింది. నేచురల్ పర్ఫార్మెన్స్‌తో వెన్నెల క్యారెక్టర్‌లో జీవించేసింది సాయి పల్లవి. ఆ క్యారెక్టర్ తనకోసమే పుట్టిందా అనే స్థాయిలో పర్ఫార్మ్ చేసింది. రీసెంట్‌గా క్రియేటివ్ డైరెక్టర్ సుకుమార్, సాయి పల్లవి క్రేజ్ చూసి ‘లేడీ పవర్ స్టార్’ అని పిలిచారు.
‘విరాట పర్వం’ చూసిన తర్వాత చాలా మంది అప్పట్లో సావిత్రి, ఆ తర్వాత సౌందర్య.. ఇప్పుడు సాయి పల్లవి అంటూ ప్రశంసిస్తున్నారు. మూవీలో తాము ఊహించినదానికంటే ఎక్కువగా సాయి పల్లవి నటించిందని.. వెన్నెల పాత్ర తను తప్ప మరెవరూ చెయ్యలేరని.. తెలుగులో ఒకప్పుడు ‘మహానటి’ సావిత్రి గారు, తర్వాత సౌందర్య గారు ఎంతటి ఆదరణ పొందారో, ప్రేక్షకుల మనసుల్లో ఎలాంటి స్థానాన్ని సంపాందిచుకున్నారో.. ఇప్పుడు సాయి పల్లవి కూడా అలాంటి ప్లేసే దక్కించుకుందని ప్రశంసిస్తూ నెటిజన్లు కామెంట్స్ చేస్తున్నారు.
Leave a comment