Jailer Movie: సూప‌ర్ స్టార్ రజనీకాంత్ మానియా గురించి, ఆయ‌న రికార్డుల కోత గురించి ప్ర‌త్యేకంగా చెప్ప‌న‌క్క‌ర్లేదు. ఆయ‌న సినిమాలు పెద్ద హిట్ కొట్ట‌న‌క్క‌ర్లేదు. పాజిటివ్ టాక్ సంపాదించుకుంటే చాలు రికార్డులు చెరిగిపోతుంటాయి. తనదైన స్టైలిష్ పర్ఫామెన్స్ తో సుధీర్ఘకాలంగా సినీ రంగంపై తన మార్క్ చూపిస్తున్న రజనీకాంత్ గత కొన్నేళ్లుగా వ‌రుస ఫ్లాపులు చ‌విచూస్తున్నాడు. ఈ స‌మ‌యంలో జైలర్ చిత్రంతో ప‌ల‌క‌రించాడు. ఈ మూవీ నెల్సన్ దిలీప్ కుమార్ దర్శకత్వంలో తెర‌కెక్క‌గా, ఆగస్ట్ 10న విడుద‌లైంది. ప్ర‌స్తుతం ఈ చిత్రం అంత‌టా ప్ర‌కంప‌న‌లు పుట్టిస్తూ స‌త్తా చాటుతుంది.
కమల్ హాసన్-లోకేష్ క‌న‌గ‌రాజ్ దర్శకత్వంలో విక్రమ్ అనే మూవీ గత ఏడాది విడుద‌లై స‌త్తా చాటింది. ఈ చిత్రం విక్రమ్ వరల్డ్ వైడ్ రూ. 410 కోట్ల గ్రాస్ వసూలు చేసింది. తమిళ, తెలుగు భాషల్లో భారీ వసూళ్లు రాబట్టిన ఈ చిత్రం డిస్ట్రిబ్యూటర్స్ కి కూడా మంచి లాభాలు పంచింది. కమల్ హాసన్ స్వయంగా ఈ చిత్రాన్ని నిర్మించ‌గా, ఈ చిత్రానికి వచ్చిన లాభాలతో అప్పులన్నీ తీర్చేస్తానని కమల్ హాసన్ స్వయంగా ప్రకటించడం విశేషం. కాగా కమల్ విక్రమ్ లైఫ్ టైం రికార్డుని రజినీకాంత్ జైలర్ కేవ‌లం 6 రోజుల్లో అధిగమించింది. జైలర్ వరల్డ్ వైడ్ వసూళ్లు రూ. 416 కోట్లుగా ట్రేడ్ వర్గాలు అంచనా వేశాయి. ఈ చిత్రం ఆగస్ట్ 15 వ రోజున భారీ ఆక్యూపెన్సి కనబర‌చ‌డంతో 400 కోట్ల రూపాయల క్లబ్ లోకి సునాయాసంగా చేరినట్లు తెలుస్తోంది
ప్ర‌స్తుతం జైలర్ చిత్రానికి పోటీగా మరో పెద్ద సినిమా ఏది క‌నిపించ‌డం లేదు. దీంతో ఈ మూవీ మరో వారం స్ట్రాంగ్ రన్ కొనసాగేలా క‌నిపిస్తుంది. దీంతో జైలర్ భారీ ఫిగర్ నమోదు చేసేలా ఉందని విశ్లేష‌కులు అంటున్నారు. జైలర్ చిత్రంలో మోహన్ లాల్, శివరాజ్ కుమార్ క్యామియో రోల్స్ చేయడంతో అన్ని భాష‌ల‌లోను మూవీకి ఆద‌ర‌ణ ద‌క్కుతుంది . రమ్య కృష్ణ, తమన్నా, సునీల్ కీలక రోల్స్ చేశారు. రొటీన్ స్టోరీ అయినప్పటికీ రజినీకాంత్ ప్రెజెన్స్, అనిరుధ్ మ్యూజిక్ సినిమాను సూప‌ర్ హిట్ చేశాయి. . నరసింహా, బాబా సినిమాల తర్వాత మళ్లీ రజనీకాంత్ తో స్క్రీన్ షేర్ చేసుకుంది ర‌మ్య‌కృష్ణ. ఫ్యామిలీ ఎమోషన్, కామెడీ, యాక్షన్ డ్రామాగా చిత్రాన్ని తెర‌కెక్కించారు.
