Baby Movie: సినిమా ప‌రిశ్ర‌మ‌లో కాస్టింగ్ కౌచ్ ఏ రేంజ్‌లో ఉందో ప్ర‌త్యేకంగా చెప్ప‌నక్క‌ర్లేదు. అవ‌కాశాల కోసం న‌టీమ‌ణుల‌ని లైంగికంగా వేధించ‌డం కొన్నాళ్లుగా చూస్తున్నాం. ఒక‌ప్పుడు వీటిపై ఎవ‌రు అంత ఓపెన్ అయ్యేవారు కాదు. కాని ఇప్పుడు నటీమ‌ణులు మాత్రం మీడియా ముందుకు వ‌చ్చేసి త‌మ‌కి ఎదురైన విచిత్ర ప‌రిస్థితుల గురించి నిర్భయంగా చెప్పుకొస్తున్నారు. తాజాగా బేబి న‌టి పరిశ్రమ కి వచ్చిన కొత్తలో ఎలాంటి ప‌రిస్థితులు ఎదుర‌య్యాయో ఓపెన్‌గా చెప్పుకొచ్చింది. నన్ను నేను నిరూపించుకునే క్ర‌మంలో అవ‌కాశాల కోసం తిరిగాను. ఆ స‌మ‌యంలో కొందరు నిర్మాతల నుంచి డైరెక్టర్స్ నుండి వ‌ల్గ‌ర్ మాట‌లు విన్నాను.
కొందరు అయితే క‌మిట్‌మెంట్ ఇవ్వ‌మని అడిగారు. మ‌రి కొందరు గెస్ట్ హౌజ్‌కి రమ్మని పిలిచారు. కాని అవ‌న్నీ దాటుకొని ఇక్క‌డి వ‌ర‌కు వ‌చ్చాను. టాలెంట్‌తో అవ‌కాశం వ‌స్తుంద‌ని ఎదురు చూడ‌గా, ఇప్పటికి కూడా అదే నమ్మకంతో ఉన్నాను. కాస్టింగ్ కౌచ్ లాంటి వాటిని నేను పెద్దగా పట్టించుకోనంటూ కిర్రాక్ సీత కీలక వ్యాఖ్య‌లు చేసింది. బేబి సినిమాతో కిర్రాక్ సీత‌కి మంచి పేరు వ‌చ్చింది. బేబి సినిమాలో మేయిన్‌ లీడ్స్‌ తర్వాత ఎక్కువగా అంద‌రి దృష్టిని ఆక‌ర్షించిన పాత్ర సీతది. వైష్ణవి ఫ్రెండ్‌గా కాస్త నెగెటీవ్‌ షెడ్స్‌ ఉన్న పాత్రలో న‌టించిన ఈమె కనిపించింది కాసేపే అయినా ఎంత‌గానో ఆక‌ట్టుకుంది.
అయితే సీత పాత్ర తాలుకూ ఇంపాక్ట్ జ‌నాల్లో బాగా ఉండ‌డంతో ఆమె ఎక్కడ కనిపించినా ప్రేక్షకులు తిట్టి పోస్తున్నారు. బేబీ సినిమా తర్వాత తనకు వేధింపులు పెరిగాయని, కొందరు రేప్‌ చేసి.. చంపేస్తామని బెదిరించారని కిర్రాక్ సీత ఇటీవ‌ల ఇంటర్వ్యూలో చెప్పుకొచ్చింది. ఒక రోజు తను ఈవెంట్‌ నుంచి వస్తుంటే కొంత మంది అబ్బాయిలు నా వెంటపడి బెదిరించారని, దాంతో వాళ్ల గురించి పోలిసులకు చెప్పమని తన ఫ్రెండ్స్‌ అన్నారని వివ‌రించింది. వారు రీల్ లైఫ్ క్యారెక్ట‌ర్ చూసి అలా అంటున్నార‌ని , వారి గురించి పోలీసుల‌కి చెప్ప‌న‌ని సీత పేర్కొంది. ఇక సీత గ‌తంలో ప‌లు షార్ట్ ఫిలింస్‌లో న‌టించి మెప్పించింది.
