న‌ట‌సింహం బాలకృష్ణ హీరోగా మెగా డైరెక్టర్ బాబీ తెరకెక్కిస్తున్న యాక్షన్ మూవీ NBK109ను సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌, శ్రీకర స్టూడియోస్‌ సంస్థలు సంయుక్తంగా నిర్మిస్తున్న ఈ సినిమాలో బాలీవుడ్ బ్యూటి అలాగే “వాల్తేరు వీరయ్య” తో టాలీవుడ్ లో మంచి ఫేమ్ అందుకున్న బాస్ బ్యూటీ ఊర్వశి రౌటేలా కూడా కనిపించనున్నట్టుగా టాక్ వచ్చింది.
ఇదే విష‌య‌న్ని ఊర్వశి తాజాగా కన్ఫర్మ్ చేసింది. తన ఇన్‌స్టాగ్రామ్‌ లో పోస్ట్ చేస్తూ ఈ మూవీలో తాను పోలీస్ ఆఫీసర్ గా కనిపిస్తున్నట్టుగా తన రోల్ గూరించి కూడా రివీల్ చేసింది. సో ఈ క్రేజీ ప్రాజెక్ట్ లో ఆమె మంచి పాత్రనే దక్కించుకుంది అని చెప్పాలి. అలాగే బాలయ్యకు జంట‌గా వెంకి హీరోయిన్ శ్రద్ధా శ్రీనాథ్‌ నటించనున్నట్లు సమాచారం. ప్రస్తుతం ఈ మూవీ షూటింగ్ హైదరాబాద్‌లో జరుగుతోంది. అందులో భాగంగా బాలకృష్ణపై ఓ భారీ పోరాట ఘట్టాన్ని చిత్రీకరిస్తున్నారట.
1980ల బ్యాక్ డ్రాప్ నేపథ్యంలో సాగే ఆసక్తికర కథాంశంతో రూపొందుతున్న ఈ సినిమాలో బాలయ్య రెండు కోణాలున్న పాత్రలో కనిపించనున్నారు. ‘యానిమల్‌’మూవీతో మెప్పించిన బాలీవుడ్ స్టార్ బాబీ దియోల్‌ బాలయ్యకు పోటీగా విలన్గా నటిస్తున్నారు. ఈ సినిమా షూటింగ్ ప్రారంభానికి ముందు దసరాకు రిలీజ్‌ చేయాలని అనుకున్నా ఇప్పుడు ఈ మూవీని మే లేదా జూన్‌ నెలలో విడుదల చేయాలని మేకర్స్ భావిస్తున్నట్టు సమాచారం. ఇక బాలయ్య ఈ సినిమాతో మ‌రోసారి బాక్సాఫీస్‌ను షేక్‌ చేయడం కాయంగా కనిపిస్తుంది.
