నట‌సింహం నందమూరి బాలకృష్ణ మాస్ దర్శకుడు బోయపాటి శ్రీను కాంబోలో వచ్చిన అఖండ సినిమా ఎలాంటి సంచలన విజయం సాధించిందో అందరికీ తెలిసిందే. ఈ సినిమాకు సిక్వల్ గా వచ్చే అఖండ2 పై టాలీవుడ్ ప్రేక్షకుల్లో భారీ అంచనాలు ఉన్నాయి. అయితే ఈ సీక్వెల్ ఎప్పుడు స్టార్ట్ అవుతుంది?, ఎప్పుడు రిలీజ్ అవుతుంది? వంటి విషయాలపై బాలయ్య అభిమానులు ఎంతో ఆసక్తిగా ఎదురుచూస్తున్నారు. దర్శకుడు బోయపాటి ఇప్పటికే అఖండ2 స్టోరీని పూర్తి చేశాడు.
బాలయ్య అఘోరగా కనిపించబోతున్నాడు.. అయితే తాజాగా ఈ సినిమాలో వచ్చే సెకండ్ హాఫ్ లో ఫ్లాష్ బ్యాక్ పై ఓ క్రేజీ అప్డేట్ అయితే ప్రస్తుతం సోషల్ మీడియాలో వైరల్ గా మారింది. ఈ ఫ్లాష్ బ్యాక్ లో బాలయ్య పూర్తిగా ఓల్డ్ గెటప్ లో కనిపిస్తాడని పైగా బాలయ్య సాధువు గెట్ లో కనిపించబోతున్నాడనే టాక్ కూడా గట్టిగా వినిపిస్తుంది. ఇక బాలయ్య అఘోర పాత్రతో పాటు సాధువు పాత్రలో కూడా బాలయ్య కనిపించబోతున్నాడు.
అయితే ఈ వార్తలో నిజం ఎంత ఉందో తెలియదు గానీ.. ఈ వార్త మాత్రం బాలయ్య అభిమానులకు ఎంతో ఇంట్రెస్టింగా మారింది. ఈ కథలో సోషియో ఫాంట‌సీ ఎలిమెంట్స్ కూడా ఉంటాయని మెయిన్ కథ చాలా కొత్తగా ఉంటుందని బాలయ్య నుంచి మరో వినూత్న మూవీ కాబోతుంది అని చెబుతున్నారు. అలాగే బోయపాటి మార్క్ యాక్షన్స్ సీన్స్ అండ్ పొలిటికల్ పంచ్ లు మాత్రం ఈ సినిమాలో ఫుల్ గా ఉంటాయని తెలుస్తుంది. ఇక ప్రస్తుతం బాలయ్య బాబీతో తన 109వ సినిమా షూటింగ్లో బిజీగా ఉన్న విషయం తెలిసిందే.
