మూవీ ఆర్టిస్ట్స్ అసోసియేషన్ ఎన్నికలు మరింత రసవత్తరంగా మార్చారు నందమూరి బాలకృష్ణ. ప్రకాష్ రాజ్, మంచు విష్ణు పోటాపోటీగా మా ఎన్నికల సంధర్భంలో మాట్లాడిన విషయం తెలిసిందే. వాళ్ళు ఇప్పటిదాకా చేసిన కామెంట్స్ ఫిల్మ్ సర్కిల్ లో బానే దుమారం రేపాయి. వాళ్ళిద్దరూ.. ఎవరికి వారుగా తమని సపోర్ట్ చేస్తున్న వాళ్ళ చిట్టాతో మా సంఘంలో తేవాలనుకుంటున్న మార్పు గురించి మాట్లాడారు. ప్రకాష్ రాజ్ వర్గం ఇప్పటికే అధికారంలో ఉన్న ప్యానల్ చేస్తున్న తప్పుల గురించి మాట్లాడితే.. నరేష్ వర్గం వాటిని డిఫెండ్ చేసుకుంటూ తమని తాము సమర్థించుకుంది.
ఐతే, ప్రస్తుతానికి వీళ్లిద్దరిని మాత్రమే ప్రధాన పోటీ దారులుగా చూడాల్సి ఉంటుంది. ఈ ఎలక్షన్స్ లో పోటీ చేసే ఆసక్తితో ఉన్న హేమ, జీవిత రాజశేఖర్ లకి సినీ పెద్దల నుంచి పెద్దగా మద్దతు ఉండకపోవచ్చు. టాలీవుడ్ లో ప్రధాన కుటుంబాల నుంచి వీళ్ళకు ఎలాంటి సపోర్ట్ ఉండదు. ఎందుకంటే వాళ్ళు ప్రకాష్ రాజ్ కి గానీ, మంచు విష్ణుకి గానీ సపోర్ట్ చేసే ఆసక్తితో ఉంటారు. అందుకే ఇప్పుడు వాళ్ళు ఎటువైపు సపోర్ట్ చేస్తారన్న విషయం చాలా ఆసక్తిగా మారింది.
మెగా కుటుంబం మద్దతు ఇప్పటికే ప్రకాష్ రాజ్ వైపు ఉందన్న విషయం నాగబాబు మాట్లాడటం ద్వారా తేలడంతో.. ఇక మెల్లగా మరో పెద్ద కుటుంబం కూడా వాళ్ళ మద్దతు ఎటువైపు ఉంటుందో చెప్పే ప్రయత్నం చేసేసింది. ఈ మధ్య ఒకసారి మీడియాతో మాట్లాడిన బాలకృష్ణకి ఈ ప్రశ్న ఎదురైనప్పుడు మంచు విష్ణుకి సపోర్ట్ ఉంటుందని చెప్పేశాడు. అంటే, నందమూరి తరపు సినీ నటులంతా విష్ణుకే వోట్ చేయబోతున్నారు. బాలకృష్ణ చెప్పిన ఈ విషయం మొత్తానికి ఈ ఎన్నికలని మరింత ఆసక్తిగా మార్చబోతుంది.
Leave a comment