Tamil Movies Diwali 2022: పాండమిక్ తర్వాత అన్ని భాషల సినిమా రంగాల్లోనూ కొత్త ఉత్సాహం నెలకొంది. రెగ్యులర్ షూటింగ్స్ స్టార్ట్ అయ్యాయి. వరుసగా సినిమాలు రిలీజ్ అవుతున్నాయి. రెండు సార్లు లాక్‌డౌన్.. పాండమిక్ తర్వాత ప్రేక్షకులు థియేటర్లకు రాకపోవడం వంటి కారణాలతో ముందుగా అనుకున్న డేట్స్ వాయిదా పడుతూ వస్తున్నాయి.
స్టార్ హీరోల సినిమాలు, పాన్ ఇండియా సినిమాల మధ్య పోటీ ఎందుకులే అని నిర్మాతలు కూర్చుని మాట్లాడుకుని.. రెండు వారాల పాటు గ్యాప్ వచ్చేలా ఒప్పందం చేసుకున్నారు. కానీ ఫెస్టివల్ సీజన్స్‌లో మాత్రం రిలీజ్ డేట్స్ విషయంలో పోటీ తప్పడం లేదు. ఇప్పుడు మూడు తమిళ్ సినిమాలు ఈ ఏడాది దీపావళి రేసులో నిలిచాయి.
‘జయం’ రవి, నయనతార నటించిన ‘విరుమాన్’, కార్తి ‘సర్దార్’, శివ కార్తికేయన్ ‘ప్రిన్స్’ మూవీస్ దివాళీ రేసులో నిలిచాయి. వీటిలో ‘సర్దార్’ తమిళ్‌తో పాటు తెలుగులోనూ రిలీజ్ అవుతోంది. ‘ప్రిన్స్’ మూవీతో శివ కార్తికేయన్ తెలుగు ఇండస్ట్రీకి ఎంట్రీ ఇచ్చారు. రెండు భాషల్లోనూ తెరకెక్కుతున్న ఈ సినిమా మీద మంచి అంచనాలున్నాయి. ఈ మూడు సినిమాలు కూడా ఈ ఏడాది దీపావళి రేసులో బాక్సాఫీస్ బరిలో పోటీకి దిగుతున్నాయి.
Leave a comment