Madhavi Latha: మాధవీ ల‌త అంటే తెలుగు ప్రేక్ష‌కుల‌కి వెంట‌నే స్ట్రైక్ కాక‌పోవ‌చ్చు. న‌చ్చావులే చిత్ర హీరోయిన్ అంటే మాత్రం వెంట‌నే గుర్తు పట్టేస్తారు. ఈ సినిమాతో మంచి హిట్ త‌న ఖాతాలో వేసుకున్న మాధవీ ల‌త స్నేహితుడా, అరవింద్ 2 వంటి చిత్రాల్లో న‌టించి ఆ త‌ర్వాత ఆమె క్ర‌మంగా రాజ‌కీయాల్లోకి వ‌చ్చింది. ఇప్పుడు రాజ‌కీయాలకి కూడా దూరంగానే ఉంటున్న‌ట్టు తెలుస్తుంది. ఇక కొద్ది రోజులుగా ఈ అమ్మ‌డు బిగ్ బాస్ సీజ‌న్ 7లో అడుగుపెట్ట‌బోతుంద‌ని జోరుగా ప్ర‌చారాలు సాగాయి. దానిపై త‌న సోష‌ల్ మీడియా ద్వారా ఎట్ట‌కేల‌కు స్పందించి మాధవీ ల‌త.
సోష‌ల్ మీడియాలో చాలా యాక్టివ్‌గా ఉండే మాధ‌వీల‌త ఎప్ప‌టిక‌ప్పుడు త‌నకి సంబంధించిన విష‌యాల‌పై క్లారిటీ ఇచ్చే ప్ర‌య‌త్నం చేస్తుంది. గ‌త కొద్ది రోజులుగా మాధవీ ల‌త బిగ్ బాస్ సీజ‌న్ 7లోకి ఎంట్రీ ఇవ్వ‌నుందంటూ ప్ర‌చారాలు సాగాయి. ఈ క్ర‌మంలో స్పందిచిన మాధవీ ల‌త… బిగ్ బాస్ బృందం మూడు సార్లు అఫీషియ‌ల్‌గా క‌లిసిన‌ట్లు చెప్పుకొచ్చింది. ఓ నెటిజ‌న్ బిగ్ బాస్ టీమ్.. మాధవీ ల‌త‌ని స్ప‌దించిన‌ట్టుగా ఫోటోని క్రియేట్ చేయ‌గా, దానిని షేర్ చేసిన మాధవీ ల‌త.. నా ఫాలోవ‌ర్స్ అంద‌రికి నేను ఒక విష‌యం తెలియ‌జేయాల‌నుకుంటున్నాను.ఈ ఫోటోని ఎవ‌రు క్రియేట్ చేశారో నాకు తెలియ‌దు కాని ఇది నిజ‌మే.
బిగ్‌బాస్ సీజ‌న్ 7 కోసం వారు న‌న్ను సంప్ర‌దించారు.అయితే ఇది మొద‌టి సారు కాదు.. ఇప్ప‌టి వ‌ర‌కు మూడు సార్లు వాళ్లు నాకు బిగ్‌బాస్ ఆఫర్ ఇచ్చిన కూడా నేను సున్నితంగా తిర‌స్క‌రించాను. నాకు ప‌ర్స‌న‌ల్‌గా బిగ్‌బాస్ షోలోకి వెళ్లాల‌ని లేదు. న‌న్ను బిగ్ బాస్ షోలో పాల్గొనాల‌ని వారు కోరినందుకు బిగ్‌బాస్ టీమ్‌కు చాలా పెద్ద థ్యాంక్స్ అంటూ మాధవీ ల‌త త‌న పోస్ట్‌లో తెలియ‌జేసింది. ఇప్పుడు సినిమాలు కూడా మాధ‌వీల‌త‌కి పెద్ద‌గా లేదు. మ‌రి అలాంటి స‌మ‌యంలో ఇంత మంచి ఆఫర్ వ‌చ్చినందుకు మాధవీ ల‌త ఎందుకు నో చెప్పింద‌నేది ఎవ‌రికి తెలియ‌డం లేదు.
