నెల రోజుల క్రితం సంపూర్ణేష్ బాబు పుట్టిన రోజు సంధర్భంగా టీజర్ రిలీజ్ చేసిన క్యాలీ ఫ్లవర్ టీం ఈ రోజే సినిమాకు సంబంధించి షూటింగ్ పూర్తి చేసుకున్నట్లు తెలిపింది. త్వరలోనే ఈ సినిమా ప్రేక్షకుల ముందుకు వస్తుందని చెప్తున్నారు.
రాముడి గెటప్ లో కనిపిస్తూ, సినిమా టైటిల్ కి సబ్ టైటిల్ గా ‘శీలో రక్షతి రక్షిత:’ అని పెట్టడం వివాదానికి దారితీసే అంశాలుగా కనిపిస్తున్నాయి. ఇప్పటికే తన సినిమాలతో ఎంతోమందిని నవ్విస్తూ వస్తున్న సంపూర్ణేష్ బాబు.. ఇప్పుడు ఈ సినిమాతో మరింత పొట్ట చెక్కలయ్యేలా చేస్తాడని ఆశిస్తున్నారు జనాలు.
మూవీని సమర్పిస్తున్నది శ్రీధర్ గూడూరు. ఆశా జ్యోతి గోగినేని నిర్మించారు. ఆర్కే మలినేని స్క్రీన్ ప్లే ఇంకా డైరెక్షన్ చూసుకున్నారు. మ్యూజిక్ ఇచ్చింది ప్రజ్వల్, కథ సిద్ధం చేసింది గోపి కిరణ్. మాటలు రాసింది మోహన్ & శివరాం.
Leave a comment