రొమాంటిక్ డ్రామాతో రాబోతున్నాడు నాగచైతన్య. అలాగే అమీర్ ఖాన్ హిందీలో చేస్తున్న ‘లాల్ సింగ్ చద్దా’ సినిమాలో కూడా నాగ చైతన్య నటించబోతున్నాడు. ఆ సినిమా హాలీవుడ్ లో వచ్చిన ఫారెస్ట్ గంప్ అనే సినిమాకి ఇండియన్ వర్షన్. అందులో కూడా నాగ చైతన్య ఎలాంటి పాత్రలో కనిపిస్తాడన్న ఉత్సుకత అందరిలోనూ కనిపిస్తుంది. ఇది నాగ చైతన్యకి హిందీలో మొదటి సినిమా. అయితే ఈ సినిమాలో ముందుగా అవకాశం విజయ్ సేతుపతికి వచ్చింది. కానీ, విజయ్ ఆ రోల్ చేయకపోవడంతో ఆ అవకాశం చైతూకి దక్కింది.
ఐతే, నాగ చైతన్య చేయబోయే రొమాంటిక్ డ్రామా ప్రాజెక్ట్ ని డైరెక్ట్ చేయబోయే దర్శకుడు ఎవరనేది ఇప్పుడిప్పుడే తెరమీదకి వస్తుంది. ఆయన హిట్ సినిమాల దర్శకుడు కిషోర్ తిరుమల. అన్నీ అనుకున్నట్లుగా జరిగితే.. ఈ మూవీ అక్టోబర్ లో సెట్స్ మీదకు వెళ్లనున్నట్లు తెలుస్తోంది. ఆర్ ఆర్ ఆర్ సినిమాకి నిర్మాతగా వ్యవహరిస్తున్న డీవీవీ దానయ్య ఈ సినిమాకి కూడా డబ్బులు పెట్టనున్నట్లు ఒక అంచనా. అధికారిక ప్రకటన మాత్రం రావాల్సి ఉంది.
Leave a comment