Dil Movie: నితిన్, నేహా ప్ర‌ధాన పాత్ర‌ల‌లో వివి వినాయ‌క్ తెర‌కెక్కించిన సూప‌ర్ హిట్ చిత్రం దిల్. శ్రీవెంక‌టేశ్వర బేన‌ర్‌పై దిల్ రాజు ఈ చిత్రాన్ని నిర్మించ‌గా, ఈ సినిమా పేరునే త‌న ఇంటి పేరుగా మార్చుకున్నారు దిల్ రాజు. ఈ సినిమా అప్ప‌ట్లో యువ‌త‌కి బాగా న‌చ్చేసింది. ఈ సినిమాలో నితిన్ త‌న యాక్టింగ్, డ్యాన్స్, లవ్ తో ప్రేక్షకులను ఎంతో ఫిదా చేసి తెలుగు ప్రేక్ష‌కులకి ద‌గ్గ‌ర‌య్యాడు. ద‌ర్శ‌క నిర్మాత‌ల‌కే కాకుండా హీరోకి కూడా ఈ సినిమా చాలా స్పెష‌ల్ అని చెప్పాలి. ఇప్ప‌టికీ ఈ సినిమా టీవీలో వ‌చ్చిందంటే ప్రేక్ష‌కులు బాగా ఆద‌రిస్తారు. అయితే దిల్ సినిమాలో నితిన్ తో నటించిన ఐదుగురు న‌టులు ఈ లోకాన్ని విడిచిపోయారు. వారు ఎవరోచూద్దాం.
ముందుగా చ‌ల‌ప‌తి రావు. ఈ సీనియ‌ర్ న‌టుడు చిత్రంలో నితిన్‌కి తండ్రిగా నటించి మెప్పించారు. ఆయ‌న ఊహించ‌ని విధంగా గుండెపోటుతో క‌న్నుమూసారు. చ‌ల‌ప‌తిరావు మ‌ర‌ణం ఒక్క‌సారిగా అంద‌రిని శోక‌సంద్రంలో ముంచెత్తింది. అంత మంచి న‌టుడు లోకాన్ని విడిచిపోవ‌డం ఎవరు జీర్ణించుకోలేక‌పోయారు. మరో న‌టుడు ఎమ్మెస్ నారాయణ. ఈయ‌న కామెడీ గురించి ప్ర‌త్యేక ప‌రిచ‌యాలు అక్క‌ర్లేదు. ఎక్కువ‌గా తాగుబోతు పాత్ర‌ల‌లో కనిపించే ఎమ్మెస్..దిల్ చిత్రంలో లెక్చరర్ పాత్రలో నటించి నవ్వులు పూయించారు. ఎమ్మెస్ నారాయణ అనారోగ్యంతో క‌న్నుమూసిన విష‌య తెలిసిందే. ఆమె మ‌ర‌ణంతో కామెడీ లోకం క‌న్నీరు పెట్టుకుంది.
ఇక దిల్ చిత్రంలో నటించిన మరో క‌మెడీయ‌న్ వేణు మాధ‌వ్. ఇత‌ను నితిన్ కు మామగా నటించి తెగ సంద‌డి చేశారు. ఎంతో మంచిగా ఉండే వేణుమాధవ్ కిడ్నీ సంబంధిత వ్యాధితో క‌న్నుమూసారు. ఆయ‌న మ‌ర‌ణం కూడా తెలుగు సినీ ప‌రిశ్ర‌మ‌కి తీర‌నిలోటుగా మారింది. ఇక దిల్ చిత్రంలో హీరోయిన్ కు తాత పాత్రలో నటించినటువంటి రాజన్ పి దేవ్ గారు కూడా అనారోగ్యంతో కాలం చేశారు. అలానే ఈ చిత్రంలో పోలీస్ ఆఫీసర్ పాత్రలో నటించినటువంటి ఆహుతి ప్రసాద్ చిన్న వ‌య‌స్సులోనే క‌న్నుమూసి అందరికి శోకాన్ని మిగిల్చారు. ఇలా చిత్రంలో నటించిన ఐదుగురు న‌టులు మన మధ్య‌లో లేక‌పోవ‌డం అభిమానుల‌ని ఎంతో క‌లిచివేస్తుంది.
