Driver Jamuna: తమిళ్‌తో పాటు తెలుగులోనూ టాలెంటెడ్ యాక్ట్రెస్‌గా పేరు తెచ్చుకుంది ఐశ్యర్య రాజేష్. ఇటీవల ‘సుడల్’ (SUZHAL) వెబ్ సిరీస్‌లో నందిని క్యారెక్టర్‌లో ప్రేక్షకులను అలరించింది. చేసే రోల్ కోసం ఫుల్ ఎఫర్ట్ పెట్టి, ఆ పాత్రకి వన్నె తీసుకొచ్చే ఐశ్వర్య ఇప్పుడు ‘డ్రైవర్ జమున’ అనే సినిమా చేస్తోంది.
తమిళ్‌లో ‘వత్తికుచ్చి’ (Vathikuchi) అనే యాక్షన్ థ్రిల్లర్‌తో గుర్తింపు తెచ్చుకున్న కిన్‌స్లిన్ దర్శకుడు. ఈ సినిమా తెలుగులో ‘గోలీసోడ’ పేరుతో రిలీజ్ అయింది. ఐశ్యర్య ప్రధాన పాత్రలో తెరకెక్కిన వుమెన్ సెంట్రిక్ రోడ్ థ్రిల్లర్ డ్రామా ‘డ్రైవర్ జమున’ తెలుగు, తమిళ్ ట్రైలర్ విడుదల చేశారు.
ఐశ్యర్య క్యాబ్ డ్రైవర్‌గా కనిపించనుంది. నక్కపల్లి నుండి రుషికొండ వెళ్లడానికి జమున క్యాబ్ బుక్ చేసుకున్న వ్యక్తుల ఆమెని ఎలాంటి ఇబ్బందులకి గురిచేశారు?.. ఆ 90 నిమిషాల జర్నీలో ఏం జరిగిందనేది ఆసక్తికరంగా చూపించబోతున్నారని అర్థమవుతుంది. ఐశ్యర్య మరోసారి తన పర్ఫార్మెన్స్‌తో అలరించనుంది. త్వరలో తెలుగు, తమిళ్, కన్నడ, మలయాళ భాషల్లో ‘డ్రైవర్ జమున’ ప్రేక్షకుల ముందుకురానుంది.
Leave a comment