Laya: సీనియ‌ర్ హీరోయిన్ లయ ఇప్ప‌టి వారికి పెద్ద‌గా తెలియ‌క‌పోవ‌చ్చు కాని అప్ప‌టి ప్రేక్ష‌కుల‌కి మాత్రం చాలా సుప‌రిచితం. హోమ్లీ బ్యూటీగా లయ ప్రేక్ష‌కుల‌ని ఎంత‌గానో అల‌రించింది. విజయవాడకు చెందిన లయ ముందుగా చైల్డ్ ఆర్టిస్ట్ గా కెరీర్ స్టార్ట్ చేసింది. ఆ త‌ర్వాత స్వ‌యంవ‌రం సినిమాతో హీరోయిన్‌గా ఇండ‌స్ట్రీకి ఎంట్రీ ఇచ్చింది. తొలి సినిమాతోనే త‌న ఖాతాలో పెద్ద హిట్ వేసుకున్న లయ ఆ త‌ర్వాత ప‌లువురు స్టార్ హీరోల‌తో కూడా ప‌ని చేసింది. ఆక ఆమె లోని టాలెంట్ బ‌య‌టపెట్టిన చిత్రం ప్రేమించు. ఇందులో అంధురాలిగా అద్భుత ప్ర‌ద‌ర్శ‌న క‌న‌బ‌ర‌చింది లయ. ఇండ‌స్ట్రీలో తాను ఉంది కొద్ది రోజులే అయిన‌ప్ప‌టికీ లయ వైవిధ్య‌మైన సినిమాల‌తో ప్రేక్ష‌కుల‌ని అల‌రించింది.
హనుమాన్ జంక్షన్, నువ్వులేక నేనులేను వంటి కమర్షియల్ హిట్స్ సాధించిన లయ త‌న కెరీర్‌లో 50 కి పైగా చిత్రాల్లో నటించారు. 2006 వరకు లయ కెరీర్ ఫుల్ స్వింగ్‌లో ఉండేది. ఏదో ఒక సినిమా ఆమె ఖాతాలో వ‌చ్చి చేరేది. అయితే 2006లో కాలిఫోర్నియాలో డాక్టర్ గా సెటిల్ అయిన గణేష్ గోర్తి అనే వ్యక్తిని వివాహం చేసుకున్న లయ అక్క‌డే సెటిల్ అయిపోయింది. ఇక ఈ దంప‌తుల‌కి ఇద్ద‌రు పిల్ల‌లు జ‌న్మించ‌గా, అప్పుడ‌ప్పుడు వారి ఫోటోల‌ని సోష‌ల్ మీడియాలో షేర్ చేస్తూ ఉంటుంది. అంతేకాదు ఫ‌న్నీ వీడియోలు చేస్తూ నెటిజ‌న్స్ ని అల‌రిస్తూ ఉంటుంది.
ఇక లయ రీఎంట్రీ కోసం ప్ర‌తి ఒక్క‌రు ఎంతో ఆస‌క్తిగా ఎదురు చూస్తున్నారు. ఆమె త్వ‌ర‌లోనే రీఎంట్రీ ఇవ్వ‌నుందంటూ అనేక ప్ర‌చారాలు సాగుతున్నాయి. అయితే తాజా స‌మాచారం ప్ర‌కారం లయ.. మెగా హీరో రామ్ చరణ్ సినిమాతో లయ రీఎంట్నీ ఉంటుంద‌ని సోష‌ల్ మీడియాలో ప్ర‌చారం జ‌రుగుతుంది. ప్రస్తుతం గేమ్ ఛేంజర్ సినిమా చేస్తోన్న చరణ్.. త్వ‌ర‌లో డైరెక్టర్ బుచ్చిబాబు దర్శకత్వంలో ఓ చిత్రం చేయనున్నారు. ఇందులో ఓ కీలకపాత్ర కోసం మేకర్స్ హీరోయిన్ లయను సంప్రదించారని టాక్ వినిపిస్తోంది. టెస్ట్ సూట్ లో కూడా లయ పాల్గొంటుంద‌ని, త్వ‌ర‌లోనే ఆమె రీఎంట్రీపై ఓ క్లారిటీ కూడా ఇస్తార‌ని అంటున్నారు.
