గుణశేఖర్ ప్రస్తుతం శాకుంతలం సినిమాతో బిజీగా ఉన్న సంగతి తెలిసిందే. ప్రస్తుతం సినిమా నిర్మాణంపై పనిచేస్తూ.. ఒక్కొక్కరిగా నటీనటులను కూడా ఎంచుకుంటున్నాడు. ఐతే ఇప్పటికే సమంతాని ప్రధాన పాత్రలో.. అలాగే, మలయాళ ఇండస్ట్రీ నుంచి దేవ్ మోహన్ ఇద్దరూ ఈ మూవీలో జంటగా నటిస్తున్నారు. ఇప్పటికే అల్లు అర్జున్ తనయ అల్లు అర్హ కూడా ఇందులో జాయిన్ అవబోతున్న విషయం తెలిసిందే.
ఐతే, గుణ శేఖర్ పనిలో పనిగా ఈ మూవీని షూట్ చేయడానికి ప్లేస్ లని వెతుకుతూనే ఉన్నాడు. ఆ కథకి తగ్గట్టుగా ఉండే ప్రదేశాలని ఎంచుకోవడంలో బాగా బిజీ అయిపోయినట్టు తెలుస్తుంది. ఇందుకోసం గుణశేఖర్ మన తెలుగు రాష్ట్రాలలో సౌలభ్యంగా ఉన్న ప్రాంతాలనే ముందుగా పరిశీలిస్తున్నట్లు తెలుస్తోంది.
అందులో ముఖ్యంగా గండిపేట చెరువు ప్రాంతంలో సినిమాకి సంబంధించిన షూట్ చేసే ఆలోచనలో ఉన్నాడు. కానీ, కరోనా నిబంధనల మూలంగా అక్కడ ప్రస్తుతం షూటింగ్ లని నిర్వహించే పరిస్తితి లేదని తెలుస్తుంది. అయినా పర్మిషన్ తీసుకుని కచ్చితంగా అక్కడే షూట్ చేసే ఆలోచనలో ఉన్నాడు గుణ శేఖర్. ఇందుకోసం అక్కడి యాజమాన్యాన్ని సంప్రదించబోతున్నట్లు తెలుస్తోంది. పౌరాణిక డ్రామాగా వస్తున్న ఈ మూవీపైన ప్రేక్షకులకి చాలానే అంచనాలు ఉన్నాయి.
Leave a comment