ఈసారి సంక్రాంతికి బాక్స్ ఆఫీస్ వద్ద ఐదు స్ట్రైట్ సినిమాలు పోటీ పడడానికి రెడీగా ఉన్నాయి. స్టార్ హీరోల మధ్య జరుగుతున్న ఈ సంక్రాంతి పోరు తెలుగు ఆడియన్స్ లో ఆసక్తిని పెంచేసింది. మరి ఈ బాక్స్ ఆఫీస్ ఫైట్ లో విన్నర్ గా నిలిచేది ఎవరు అని ఎగ్జైటింగ్ గా ఎదురు చూస్తున్నారు. ముఖ్యంగా తేజ సజ్జ హీరోగా నటిస్తున్న సూపర్ హీరో “హనుమాన్” మూవీపై అందరి దృష్టి ఉంది. టాలెంటెడ్ డైరెక్టర్ ప్రశాంత్ వర్మ దర్శకత్వం వహిస్తున్న ఈ మూవీ భారీ అంచనాలతో పాన్ ఇండియా మూవీగా జనవరి 12న థియేటర్లలోకి రాబోతోంది. హను-మాన్’ టీజర్, ట్రైలర్..లు అందరినీ మెస్మరైజ్ చేశాయి. అందులోని విజువల్స్ అందరినీ కట్టి పారేశాయి.
ఎప్పుడెప్పుడు సినిమా చూస్తామా?’ అనే క్యూరియాసిటీని కూడా అందరిలోనూ క్రియేట్ చేశాయి. మరోపక్క ‘గుంటూరు కారం’ ‘సైంధవ్’ ‘నా సామి రంగ’ వంటి పెద్ద సినిమాల పక్కన నలిగిపోతుంది అనే సింపతీ కూడా ‘హను-మాన్’ పై ప్రేక్షకుల్లో ఉంది. ఆ ధైర్యంతోనే ‘హను -మాన్’ మేకర్స్ ఒక రోజు ముందుగానే ప్రీమియర్స్ వేసేందుకు రెడీ అయ్యారు. తాజాగా కొంతమంది సినీ ప్రముఖుల కోసం “హనుమాన్” మూవీ స్పెషల్ షోలు వేయగా, ఈ మూవీ ఎలా ఉంది అనే టాక్ బయటకు వచ్చింది.
సినిమా చూశాక వాళ్ళు పాజిటివ్ రెస్పాన్స్ చెప్పడం విశేషంగా చెప్పుకోవాలి. హనుమంతు అనే కుర్రాడు హనుమంతుడు అనుగ్రహంతో పుడితే.. అతనికి సూపర్ నేచురల్ పవర్స్ వస్తే ఎలా ఉంటుంది అన్నది ‘హనుమాన్’ కథగా తెలుస్తుంది. ‘హనుమాన్’ ఫస్ట్ హాఫ్ చాలా బాగుంటుందట. ఇంటర్వెల్ సీక్వెన్స్ చాలా ఇంట్రెస్టింగ్ గా ఉంటుందని అంటున్నారు. సెకండ్ హాఫ్ అయితే ఫస్ట్ హాఫ్ ని మించి ఉంటుందట. అక్కడక్కడా పడినట్టు అనిపించినా..
విజువల్స్ సినిమాని నిలబెట్టాయి అని అంటున్నారు. గెటప్ శీను కామెడీ హైలెట్ గా ఉంటుందట. సత్య, వెన్నెల కిషోర్ కూడా బాగా చేశారని అంటున్నారు. విలన్ వినయ్ రాయ్ రోల్ కూడా అలరిస్తుంది అని అంటున్నారు. ఈ సినిమాకు రవితేజ వాయిస్ ఓవర్ అందించడం విశేషం. అంతేకాదు ఈ సినిమాలో చిరంజీవి ఓ కీలక పాత్రలో కనిపించనున్నాడని తెలుస్తోంది. మ‌రీ ‘ముఖ్యంగా చివరి 20 నిమిషాలు ప్రేక్షకులను ఇంకో ప్రపంచంలోకి తీసుకెళ్తుంది అని, ‘హనుమంతుడు’ ప్రత్యక్షమైనప్పుడు అందరూ స్టన్ అయిపోవడం మాత్రమే కాకుండా ప్రేక్షకులు తెలీకుండానే చెప్పులు తీసి పక్కన పెట్టి తమ భక్తిని చాటుకుంటారని’ సినిమా చూసిన వాళ్ళు చెబుతున్నారు. .
