‘ఎతరుక్కుమ్ తునింధవన్’ : హ్యాపీ బర్త్ డే సూర్య!

సూర్య ఎంత టాలెంటెడ్ నటుడు అనేది ప్రత్యేకంగా చెప్పాల్సిన అవసరం లేదు. ఇప్పటిదాకా ఎన్నో ప్రత్యేకమైన పాత్రలు పోషించి తనకంటూ తమిళ సినీ పరిశ్రమలో స్టార్ డం ని ఏర్పాటు చేసుకున్నాడు. సూర్య కేవలం తమిళ్ లో మాత్రమే కాదు.. తెలుగు, మలయాళం, హిందీ ఫిల్మ్ ఇండస్ట్రీలో కూడా తనకంటూ గుర్తింపు సంపాదించుకున్న నటుడు. చివరిసారిగా సూరారై పొట్రు సినిమాతో ప్రేక్షకులని అలరించిన సూర్య తన 46 వ పుట్టిన రోజు సందర్భంగా మరో కొత్త సినిమా లుక్ తో ముందుకు వచ్చాడు. ‘ఎతరుక్కుమ్ తునింధవన్’ టైటిల్ తో వస్తున్న ఈ మూవీ సెకండ్ లుక్ విడుదలైంది.

సూర్య 1975 జూలై 23 న పుట్టాడు. ఇప్పటిదాకా 40 సినిమాలు వచ్చాయి. అతని అసలు పేరు సరవనన్ శివకుమార్. సూర్య అతని స్టేజ్ నేమ్ గా మారింది. 1997 లో నెరుక్కు నెర్ సినిమాతో ఎంట్రీ ఇచ్చినా 2001 దాకా అతనికి బ్రేక్ రాలేదు. సూర్య కెరీర్ లో బెస్ట్ రోల్ గజిని. స్టేట్ లెవెల్ లో మూడు అవార్డ్స్, 4 సౌత్ ఫిల్మ్ ఫేర్ అవార్డ్స్, 2 ఎడిసన్ అవార్డ్స్, అలాగే ఒక విజయ్, సినీ మా అవార్డ్స్ గెలుచుకున్నాడు. చివరిగా ‘ఆకాశం నీ హద్దురా’ సినిమాలో అతని నటనకి మంచి గుర్తింపు వచ్చింది.

సూర్య కేవలం నటుడిగా మాత్రమే కాకుండా మంచి మోడల్ గా ఎన్నో బ్రాండ్స్ కి అంబాసిడర్ గా కూడా చేస్తున్నాడు. హీరోయిన్ జ్యోతికని పెళ్లి చేసుకున్న సూర్య తమ్ముడు కార్తి తెలుగు ప్రేక్షకులకు కూడా పరిచయం. అటు రాజకీయంగా మత ఛాందస వాదానికి వ్యతిరేకంగా స్టాండ్ తీసుకునే సూర్య రాజకీయాల్లోకి వస్తాడని ఎదురుచూసే అభిమానులు కూడా ఎంతోమంది ఉన్నారు. పాండిరాజ్ దర్శకత్వం వహిస్తున్న ఎతరుక్కుమ్ తునింధవన్ ఎలా అదరగొడుతుందో చూద్దాం.