Mahesh Babu: ఇటీవ‌ల కొందరు భామ‌లు అరుదైన వ్యాధుల‌తో బాధ‌ప‌డుతూ వార్త‌ల‌లో నిలుస్తున్న విష‌యం తెలిసిందే. స‌మంత మ‌యోసైటిస్‌తో బాధ‌ప‌డుతున్న నేప‌థ్యంలో ఆమె ఏడాది పాటు సినిమాల‌కి దూరంగా ఉండ‌బోతున్న‌ట్టు ప్ర‌క‌టించింది. మరి కొందరు సినీ తార‌లు సైతం తాము పలు ర‌కాల వ్యాధుల‌తో బాధ‌ప‌డుతున్న‌ట్టు సోష‌ల్ మీడియా ద్వారా తెలియ‌జేశారు. అయితే ఇప్పుడు సూప‌ర్ స్టార్ మహేష్ బాబు చికిత్స లేని వ్యాధితో బాధ‌ప‌డుతున్నాడ‌ని, చికిత్స కోసం అమెరికా వెళ్లిన‌ట్టు ప్ర‌చారం జ‌రుగుతుంది. మహేష్ బాబుకి 50 ఏళ్లు వచ్చిన కూడా కుర్రాడిలానే క‌నిపిస్తాడు.అందుకు కార‌ణం ఆయ‌న త‌న ఆరోగ్యంపై చూపించే శ్ర‌ద్ధ.
మహేష్ బాబు నిత్యం వ్యాయామం చేయడం, ప‌క్కా ఆహార నియమాలు పాటించ‌డం, నిద్ర, తిండి విషయంలో సాధ్యమైనంత వరకు ఖచ్చితమైన టైమింగ్స్ ఫాలో కావ‌డం వంటివి చేస్తుంటారు. ఇంత నిబద్ధతగా ఉండ‌బ‌ట్టే మహేష్ ఇంకా యంగ్ లుక్‌లో క‌నిపిస్తున్నాడు. అయితే ఆరోగ్యం విషయంలో అంత క‌చ్చితంగా ఉన్నా పలు కారణాలతో అనారోగ్యం బారిన ప‌డుతున్నారు.ఒక‌ప్పుడు మహేష్ బాబు విప‌రీత‌మైన మైగ్రేన్‌తో బాధ‌ప‌డేవార‌ట. ఎంత‌మంది వైద్యుల‌ని క‌లిసిన కూడా లాభం ఉండేది కాదు. ఇంగ్లీష్ మెడిసిన్ కాస్త నొప్పిని త‌గ్గించింది కానీ సమస్యను దూరం చేయలేద‌ట. ఈ క్ర‌మంఓ నమ్రత ఒక లేడీ డాక్టర్ ని పరిచయం చేశారట.
ఆమె మహేష్ కి అల్లోపతి వైద్యం చేయ‌గా, బాడీలోని నరాలను రిలీజ్ చేయడం ద్వారా మైగ్రేన్ ని తొలగించిన‌ట్టు స‌మాచారం.కేవలం రెండు మూడు నెలల్లో మిరాకిల్ గా ఆయనకు తలనొప్పి సమస్య తొల‌గిపోయింది. ఇక మహేష్ మోకాలికి స‌ర్జ‌రీ జ‌రిగింద‌నే టాక్ న‌డుస్తుంది. అప్పట్లో మహేష్ విదేశాల‌లో ఓ వైద్యుడిని క‌లిసాడు. ప్రత్యేకమైన వైద్యం కోసం క‌లిసిన‌ట్టు ప్ర‌చారం జ‌రిగింది. ఇక రీసెంట్‌గా మహేష్ బాబు మరలా అమెరికా వెళ్లినట్లు తెలుస్తుండ‌గా, ఆయ‌న ఆకస్మిక ప్రయాణం వైద్యం కోసమే అనే పుకార్లు పుట్టుకొస్తున్నాయి. మరి దీనిపై క్లారిటీ రావ‌ల‌సి ఉంది.
