నారా రోహిత్ టైటిల్‌తో ఎన్టీఆర్ సినిమా!

ప్రశాంత్ నీల్ పుట్టినరోజు (జూన్ 4) సందర్భంగా పలు భాషలకు చెందిన సినీ ప్రముఖులు సోషల్ మీడియా వేదికగా విషెస్ చెబుతున్నారు. ప్రశాంత్ చేసిన ‘కె.జి.యఫ్ 1, కె.జి.యఫ్ 2’ సినిమాలు కన్నడ సినిమా ఇండస్ట్రీలో కనీవినీ ఎరుగని రీతిలో వసూళ్లు సాధించడమే కాక, కన్నడ సినిమా పరిశ్రమకి ప్రపంచవ్యాప్తంగా గుర్తింపు తెచ్చిపెట్టాయి.

పార్ట్ 2 దాదాపు 1200 కోట్లకు పైగా కలెక్ట్ చేసింది.. ఇటీవలే రికార్డ్ స్థాయి సెంటర్స్‌లో 50 రోజుల థియేట్రికల్ రన్ పూర్తి చేసుకుంది. ఇప్పుడు సినీ వర్గాలతో పాటు, యావత్ ప్రపంచ ప్రేక్షకుల చూపు ప్రశాంత్ నీల్, ప్రభాస్‌తో చేస్తున్న ‘సలార్’ మీదే ఉంది.

‘అసుర’, లేదా ‘అసురుడు’ అనే రెండు పేర్లు అనుకుంటున్నారట. ‘అసుర అసుర రావణాసురా’ అంటూ ‘జై లవ కుశ’ మూవీలో అదరగొట్టాడు తారక్. ప్రశాంత నీల్‌తో చెయ్యబోయే సినిమా కోసం ఈ రెండు టైటిల్స్ పరిశీలనలో ఉన్నాయని వార్తలొస్తున్నాయి. 2015లో నారా రోహిత్ హీరోగా ‘అసుర’ పేరుతో ఓ సినిమా వచ్చింది. దీంతో తారక్ సినిమాకి, రోహిత్ టైటిల్‌ పెట్టబోతున్నారంటూ న్యూస్ స్ప్రెడ్ అవుతోంది.