మన సౌత్ ఇండియన్ సినిమా దగ్గర భారీ ఫ్యాన్ ఫాలోయింగ్ ఉన్న హీరోలలో మన టాలీవుడ్ నుంచి యంగ్ టైగర్ ఎన్టీఆర్ ముందు ఉంటారు.. దర్శక ధీరుడు రాజమౌళి దర్శకత్వంలో వచ్చిన భారీ పాన్ ఇండియా మూవీ త్రిబుల్ ఆర్ తో ఎన్టీఆర్ క్రేజ్‌ ఏకంగా ఆస్కార్ రేంజ్ కి వెళ్ళింది. అదేవిధంగా కోలీవుడ్ పరిశ్రమ నుంచి దళపతి విజయ్ కూడా తిరిగిలేని స్టార్ హీరోగా కొనసాగుతున్నాడు.
బాక్సాఫీస్ కలెక్షన్ల పరంగా, సోషల్ మీడియా రికార్డులు.. లక్షల్లో అభిమానులు ఇవన్నీ టాలీవుడ్ లో ఎన్టీఆర్ కు కోలీవుడ్లో విజయ్‌కు సొంతం. అలాంటి ఈ ఇద్దరు అగ్ర హీరోలతో ఇప్పటివరకు చాలామంది స్టార్ హీరోయిన్లు, దర్శకులు పనిచేశారు.. ఎన్నో సూపర్ డూపర్ హిట్లు కూడా అందుకున్నారు. అలాంటి ఈ ఇద్దరితో స్టార్ హీరోయిన్ కాజల్ అగర్వాల్ కూడా నటించింది. మరి ముఖ్యంగా ఎన్టీఆర్‌కు కాజల్ బాగా కలిసి వచ్చిన హీరోయిన్ అని చెప్పాలి.. ఎన్టీఆర్- కాజల్ అగర్వాల్ కాంబోలో వచ్చిన అన్ని సినిమాలు సూపర్ హిట్ అయ్యాయి.
అయితే ఇప్పుడు తాజాగా కాజల్ మీ ఇద్దరి హీరోలపై చేసిన కామెంట్లు ఇప్పుడు వైరల్ గా మారాయి. సోషల్ మీడియాలో తన అభిమానులతో ఇంట్రక్షన్లో ఇప్పటివరకు మీరు నటించిన హీరోల్లో మీ ఫేవరెట్ హీరో ఎవరన్నా ప్రశ్న ఆమెకు ఎదురయ్యింది. ఈ ప్రశ్నకు జవాబు చెప్పడం చాలా కష్టం అంటూనే తన ఫేవరెట్ కోలీవుడ్లో దళిపతి విజయ్, టాలీవుడ్ లో జూనియర్ ఎన్టీఆర్ అని చెప్పుకొచ్చింది. దీంతో ఎన్టీఆర్ అభిమానులు కాజల్‌ను ఆకాశానికి ఎతేస్తు సోషల్ మీడియాలో ఎంతో రచ్చ చేస్తున్నారు. అదేవిధంగా కాజల్ ప్రశంస‌ల వర్షం కురిపిస్తున్నారు. కాజల్- ఎన్టీఆర్ సినిమాలో ఉంటే ఆ సినిమా సూపర్ హిట్ అంటూ కామెంట్లు పెడుతున్నారు.
