మహానటిలో సినిమాలో తన నటనతో అదరగొట్టిన కీర్తి సురేష్ ఆ తర్వాత మరిన్ని సినీ అవకాశాలతో బిజీబిజీగా గడిపేసింది. కానీ, వాటిల్లో ఏవీ మహానటి కంటే గొప్ప సినిమాలు అని మాత్రం అనిపించుకోలేదు. మహానటి తనకి అంతటి ప్రత్యేకతని తెచ్చిపెట్టింది. ఆ సినిమా రేంజ్ లోనే పాపులర్ అవుతాయి అనుకున్న ‘పెంగ్విన్’, ‘మిస్ ఇండియా’ వంటి సినిమాలు ఫ్లాప్ అయిపోయాయి.
సినిమాల్లో మాత్రమే కాకుండా, సోషల్ మీడియా ద్వారా కూడా అభిమానులకి రకరకాలుగా వినోదాన్ని పంచుతుంది కీర్తి. తనకి నచ్చిన వ్యక్తులకి తన టాలెంట్ తో విషెస్ చెప్తోంది. దళపతి విజయ్ కి తను అభిమానూరాలినని చెప్తుంది కీర్తి. గతేడాది అతని పుట్టిన రోజు సంధర్భంగా వీణ వాయించి అందర్నీ అబ్బురపరిచింది. ఈ సారి విజయ్ పుట్టిన రోజుకి మరింత సర్ప్రైస్ ఇచ్చింది. ఏకంగా మాస్ స్టెప్పులు వేస్తూ.. విజయ్ పై తనకున్న అభిమానాన్ని చాటుకుంది.
తన బ్రదర్ తో కలిసి చేసిన ఈ వీడియోలో విజయ్ వేసిన స్టెప్పుని అచ్చం అతని స్టైల్ లోనే వేస్తూ ట్విటర్ లో పోస్ట్ చేసింది. ‘మీరు పర్ఫార్మన్స్ లో మాత్రమే బెస్ట్ కాదు.. ఎంటర్టైన్ చేయడంలో బీస్ట్ కూడా..’ అంటూ విజయ్ నటిస్తోన్న దళపతి సినిమా పోస్టర్లని ఉద్దేశించి ట్వీట్ చేసింది కీర్తి సురేష్.
Leave a comment