SSMB 28: ఎంతో ఆసక్తిగా ఎదురు చూస్తున్న తన అభిమానులకు శుభవార్త చెప్పారు సూపర్ స్టార్ మహేష్ బాబు. మహేష్, స్టార్ రైటర్ కమ్ డైరెక్టర్ త్రివిక్రమ్‌లది ఎవర్ గ్రీన్ కాంబినేషన్. వీళ్ల కలయికలో వచ్చిన ‘అతడు’ ఏ రేంజ్ హిట్ అయిందో కొత్తగా చెప్పక్కర్లేదు.
టీవీలో టెలికాస్ట్ చేసిన ప్రతిసారీ రికార్డ్ రేంజ్ టీఆర్పీ రేటింగ్ వచ్చేది. అప్పట్లో డీవీడీలు అత్యధికంగా అమ్ముడుపోయిన రికార్డ్ కూడా ‘అతడు’కి ఉంది. తర్వాత వచ్చిన ‘ఖలేజా’ మహేష్‌లోని కామెడీ యాంగిల్‌ని చూపించింది. ఇప్పుడు ముచ్చటగా మూడోసారి సెన్సేషన్ క్రియేట్ చెయ్యడానికి రెడీ అవుతుందీ క్రేజీ కాంబో.
మహేష్, పూజా హెగ్డే జంటగా.. త్రివిక్రమ్ దర్శకత్వంలో తెరకెక్కనున్న SSMB 28 మూవీ ఇటీవల పూజా కార్యక్రమాలతో ప్రారంభమైన సంగతి తెలిసిందే. పూజా హెగ్డే మీద చిత్రీకరించిన ముహూర్తపు సన్నివేశానికి మహేష్ సతీమణి నమ్రత క్లాప్ నిచ్చారు. ఆగస్టులో షూటింగ్ స్టార్ట్ చేసి.. వచ్చే ఏడాది వేసవిలో విడుదల చెయ్యనున్నట్లు ప్రకటించారు టీం. సంగీతం : థమన్, కెమెరా : పి.ఎస్.వినోద్, ఎడిటింగ్ : నవీన్ నూలి, ఆర్ట్ : ఏ.ఎస్.ప్రకాష్.
Leave a comment