మేనల్లుడి మొదటి సినిమా టీజర్ లాంచ్ చేసిన మహేష్ బాబు!

అశోక్ గల్లా. స్వయంగా మహేష్ బాబుకి మేనల్లుడు. ఆయన సోదరి పద్మావతి-జయదేవ్ గల్లా ల కుమారుడు. ఇప్పుడితను తన మొదటి సినిమాతో ఇండస్ట్రీలోకి ప్రవేశిస్తున్నాడు. ‘హీరో’ టైటిల్. ఈ సినిమాకి సంబంధించిన టీజర్ ని మహేష్ బాబు తన అభిమానులకి రిలీజ్ చేశారు ట్విటర్ లో. అలాగే సూపర్ స్టార్ కృష్ణ, గల్లా అరుణ కుమారి సినిమాని సమర్పిస్తున్నట్లుగా తెలుస్తోంది. అమర్ రాజా మీడియా & ఎంటర్టైన్మెంట్ సంస్థ ఈ సినిమాని నిర్మించింది.

ఈ టీజర్ ఆసక్తిగా కనిపిస్తుంది. ఒక ఎడారి ప్రాంతంలో వెళ్తున్న రైలుపై నడుస్తూ, సిగార్ కాలుస్తూ, మరో చోట గుర్రం పై స్వారీ చేస్తూ కనిపిస్తున్నాడు అశోక్ గల్లా. చివర్లో హాలీవుడ్ పాపులర్ క్యారెక్టర్ జోకర్ లా కనిపిస్తూ.. అద్దంలో తనని తాను చూసుకుంటూ ‘why so serious’ అనే డైలాగ్ చెప్పడం కథాంశాన్ని అంచనా వేయలేకుండా ఉంది. మహేష్ అభిమానుల్లో ఆసక్తి రేకెత్తిస్తున్న ఈ చిత్రం, కొత్తగా ఎంట్రీ ఇచ్చిన అశోక్ నటన చూడాలంటే మరింత కాలం ఎదురు చూడాల్సిందే. నిధి అగర్వాల్ ఈ సినిమాలో హీరోయిన్ గా నటిస్తోంది.

శ్రీరామ్ ఆదిత్య డైరెక్ట్ చేసాడు. చాలా కాలం క్రితమే ఈ సినిమాకి సంబంధించిన పనులు మొదలయ్యాయి. రామ్ చరణ్ కూడా సినిమాని ప్రకటించిన సంధర్భంలో అశోక్ కి ఆల్ ది బెస్ట్ చెప్పాడు. చిన్నప్పటి నుంచి సినిమాల మీద ఇష్టంతో తన తాతయ్య, మేనమామల సినిమాలని విపరీతంగా చూస్తూ.. సింగపూర్, ఆమెరికాలలో సినిమామీదనే డిగ్రీలు చేసి.. యాక్టింగ్ లో మంచి ట్రైనింగ్ పొందిన ఈ ”హీరో” జర్నీ ఎలా ఉండబోతుందో మరింత కాలం వేచి చూద్దాం.