సూపర్ స్టార్ మహేష్ బాబు అభిమానులు మాత్రమే కాకుండా యావత్ సినీ ప్రేక్షకులు ఎంతో ఆసక్తిగా ఎదురుచూస్తున్న మూవీ ‘గుంటూరు కారం’. మాటల మాంత్రికుడు త్రివిక్రమ్ దర్శకత్వం వహిస్తున్న చిత్రమిది. గతంలో వీరీ కాంబోలో ‘అతడు’ ‘ఖలేజా’ వంటి క్రేజీ సినిమాలు వచ్చాయి. అందులో ‘అతడు’ సినిమా థియేటర్లలో బాగానే ఆడింది కానీ ‘ఖలేజా’ మాత్రం డిజాస్టర్ అయ్యింది. కానీ ఆ సినిమాని టీవీల్లో ప్రేక్షకులు బాగా చూశారు. దీనికి కల్ట్ ఫ్యాన్స్ కూడా ఉన్నారనే చెప్పాలి.
అందుకే ‘గుంటూరు కారం’ కోసం మళ్ళీ చేతులు కలిపారు త్రివిక్రమ్ – మహేష్ బాబు. షూటింగ్ మొత్తం కంప్లీట్ అయ్యింది. జనవరి 12 అన‌గా రేపు రిలీజ్ కాబోతుంది. తాజా ఇప్పుడు ‘గుంటూరు కారం’ ఫస్ట్ రివ్యూ వచ్చేసింది. మహేశ్ బాబుతోపాటు ఎంటర్టైన్‌మెంట్ అధిక మోతాదులో ఉంది. ఈ సినిమాలో మాస్ ప్రేక్షకులకు కావాల్సిన మసాలా ఎలిమెంట్స్ పుష్కలంగా ఉన్నాయి. అవి మాస్ పీపుల్‌కు బాగా వర్కౌట్ అవుతాయి. పండుగ సీజన్ లో ఈ సినిమా అద్భుతాలు సృష్టిస్తుందని, అంత పొటెన్షియాలిటీ ఉన్న కథ అని, సూపర్ హిట్ అవుతుందట.
మరో కోద్ది గంట‌ల్లో ‘గుంటూరు కారం’ ప్రేక్షకుల ముందుకు వస్తుంది. దీని ఫలితం ఎలా ఉండబోతుందో అందరికీ తెలిసిపోతుంది. కాగా మహేశ్ బాబు, తివిక్రమ్ మూడోసారి కలిసి చేస్తున్న సినిమా కూడా ఇదే. అదే విధంగా ఈ సంక్రాంతికి విడుదలకు రెడీగా ఉన్న గుంటూరు కారం సినిమాకు పోటీగా తేజ సజ్జా హనుమాన్, వెంకటేష్ సైంధవ్, నాగార్జున నా సామిరంగ సినిమాలు కూడా బరిలో ఉన్నాయి. మరి వీటిలో ఏ సినిమా సంక్రాంతి విన్నర్‌గా నిలుస్తుందో చూడాలి.
