Mega 154: మెగాస్టార్ చిరంజీవి వరుస సినిమాలతో ఫుల్ స్పీడ్ మీదున్నారు. ‘ఆచార్య’ తర్వాత ముచ్చటగా మూడు సినిమాల షూటింగ్స్‌లో పాల్గొంటున్నారాయన. మలయాళీ బ్లాక్ బస్టర్ ‘లూసిఫర్’ రీమేక్ ‘గాడ్ ఫాదర్’, బాబీ దర్శకత్వంలో ఓ సినిమాతో పాటు తమిళ్ సూపర్ హిట్ ‘వేదాళం’ రీమేక్ ‘భోళాశంకర్’ మూవీస్‌తో సందడి చెయ్యబోతున్నారు.
కె.ఎస్.రవీంద్ర (బాబీ) డైరెక్షన్‌లో చిరు, శృతి హాసన్ జంటగా.. మైత్రీ మూవీ మేకర్స్ తెరకెక్కిస్తున్న యాక్షన్ మాస్ ఎంటర్‌టైనర్ ‘వాల్తేరు వీరయ్య’.. చిరంజీవి నటిస్తున్న 154వ సినిమా ఇది. ఇప్పటివరకు టైటిల్ గురించి వార్తలు వచ్చాయి. స్వయంగా బాబీనే ఫ్యాన్స్ మీట్‌లో చెప్పాడు కానీ అఫీషియల్‌గా టైటిల్ పోస్టర్ రిలీజ్ చెయ్యలేదు.
శుక్రవారం ఉదయం Mega 154కి సంబంధించి క్రేజ్ అప్‌డేట్ ఇచ్చింది టీం. ‘కలుద్దాం సంక్రాంతికి’.. ‘బాక్సాఫీస్ వేటకు లంగరు తయారు’ అంటూ 2023 సంక్రాంతి బరిలోకి చిరు సినిమా దిగబోతుందని కన్ఫమ్ చేశారు. ప్రస్తుతం రెగ్యులర్ షూటింగ్ జరుపుకుంటున్న ఈ చిత్రానికి రాక్‌స్టార్ దేవి శ్రీ ప్రసాద్ మ్యూజిక్ కంపోజ్ చేస్తున్నాడు.
Leave a comment